Proddatur: ప్రొద్దుటూరులో ఘనంగా మహాత్మా గాంధీ జయంతి వేడుకలు!
Proddatur: వైఎస్ఆర్ కడప జిల్లా ప్రొద్దుటూరు మున్సిపల్ కార్యాలయం, గాంధీ పార్కులో మహాత్మా గాంధీ జయంతి వేడుకలను ఘనంగా నిర్వహించి నివాళులర్పించారు.
Proddatur: ప్రొద్దుటూరులో ఘనంగా మహాత్మా గాంధీ జయంతి వేడుకలు!
Proddatur: ప్రొద్దుటూరు మున్సిపల్ కార్యాలయం మరియు గాంధీ పార్కులో మహాత్మా గాంధీ జయంతి వేడుకలు ఘనంగా నిర్వహించారు. మున్సిపల్ కమీషనర్ తూతిక శ్రీనివాస విశ్వనాధ్ ఆధ్వర్యంలో జరిగిన ఈ కార్యక్రమంలో అధికారులు, ఉద్యోగులు పెద్ద సంఖ్యలో పాల్గొని గాంధీజీ విగ్రహానికి పూలమాలలు వేసి నివాళులర్పించారు. ఈ సందర్భంగా కమీషనర్ మాట్లాడుతూ.. సత్యం, అహింసలనే ఆయుధాలతో భారతదేశానికి స్వాతంత్ర్యం తెచ్చిపెట్టిన మహనీయుడు మహాత్మా గాంధీ అని కొనియాడారు.
గాంధీజీ స్ఫూర్తితో ప్రభుత్వం ప్రవేశపెడుతున్న సంక్షేమ, అభివృద్ధి పథకాలను ప్రజల్లోకి సమర్థవంతంగా తీసుకెళ్లాలని ఉద్యోగులకు పిలుపునిచ్చారు. విశిష్ట అతిథిగా హాజరైన APNGO ప్రొద్దుటూరు అధ్యక్షులు రామసుబ్బయ్య మాట్లాడుతూ, పట్టణాన్ని ప్లాస్టిక్ రహితంగా మార్చేందుకు ప్రజలందరూ సహకరించాలని కోరారు. ఈ కార్యక్రమంలో అసిస్టెంట్ కమీషనర్ మంజునాధ్ గౌడ్, డిప్యూటీ ఎగ్జిక్యూటివ్ ఇంజనీర్లు రాజేష్, యశోద, అసిస్టెంట్ ఇంజనీర్లు సురేంద్ర, దస్తగిరి, శానిటేషన్ సూపర్ వైజర్ నూర్ బాషా తదితరులు పాల్గొన్నారు.
