Proddatur: ప్రొద్దుటూరు మున్సిపాలిటీలో ఫేస్ రికగ్నిషన్ హాజరు విధానం అమలు

ప్రొద్దుటూరు: ​ప్రొద్దుటూరు పురపాలక సంఘంలో ఉద్యోగుల హాజరు పర్యవేక్షణకు ఆధునిక సాంకేతికతను అందుబాటులోకి తెస్తున్నట్లు మున్సిపల్ కమిషనర్ శ్రీ తూతిక శ్రీనివాస విశ్వనాథ్ తెలిపారు. జిల్లా కలెక్టర్ డాక్టర్ శ్రీధర్ చిరుకూరి ఆదేశాల మేరకు, మున్సిపాలిటీలో పనిచేస్తున్న సుమారు 500 మంది ఉద్యోగులకు త్వరలోనే ఫేస్ రికగ్నిషన్ సిస్టమ్ ఆధారిత హాజరును అమలు చేయనున్నట్లు పేర్కొన్నారు.

​ఈ విధానం ద్వారా ఉద్యోగుల ముఖ గుర్తింపు ఆధారంగా హాజరు నమోదవుతుందని, ప్రభుత్వ మార్గదర్శకాలకు అనుగుణంగానే జీతభత్యాల చెల్లింపులు జరుగుతాయని కమిషనర్ వివరించారు. హాజరు నమోదులో పూర్తి పారదర్శకతతో పాటు ఉద్యోగుల్లో వేళాపాళ పాటించే సంస్కృతి పెరుగుతుంది. పరిపాలనా వ్యవస్థలో బాధ్యత మరియు జవాబుదారీతనం పెరుగుతాయి. ప్రజలకు మరింత వేగవంతమైన, నాణ్యమైన మున్సిపల్ సేవలు అందుతాయి.

​సాంకేతిక పరిజ్ఞానాన్ని వినియోగిస్తూ పాలనా వ్యవస్థను సమర్థవంతంగా తీర్చిదిద్దడమే తమ ముఖ్య లక్ష్యమని కమిషనర్ స్పష్టం చేశారు.