Pargi: రాగంపల్లి వద్ద ఘోర రోడ్డు ప్రమాదం.. ఒకరి మృతి!

Pargi: వికారాబాద్ జిల్లాలో ఘోర రోడ్డు ప్రమాదం చోటుచేసుకుంది. పరిగి మండలం రాగంపల్లి సమీపంలో లారీ, బైక్ ఢీకొన్న ఘటనలో ఒక వ్యక్తి మృతి చెందాడు.వివరాల్లోకి వెళ్తే.. పరిగి మండలం రాగంపల్లి సమీపంలో లారీ, బైక్ ఢీకొనడంతో బైక్‌పై ప్రయాణిస్తున్న బుద్లాపూర్ తండాకు చెందిన నేనావత్ రవి (28) మృతి చెందాడు.

ఈ ప్రమాదంతో స్థానికంగా విషాదం నెలకొంది.సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు. మృతదేహాన్ని పరిగి ప్రభుత్వ ఆసుపత్రికి తరలించారు.

ఈ ఘటనపై కేసు నమోదు చేసుకున్న పోలీసులు ప్రమాదానికి గల కారణాలపై దర్యాప్తు చేస్తున్నారు.అయితే ఈ ప్రమాదం ఎలా జరిగింది? లారీ, బైక్ ఢీకొనడానికి గల కారణాలు ఏమిటి? అనే పూర్తి వివరాలు పోలీసుల దర్యాప్తులో తెలియాల్సి ఉంది.