LB Nagar: ఎల్బీనగర్లో కరాటే గ్రేడింగ్ టెస్ట్, బెల్ట్ అవార్డుల వేడుక
LB Nagar: ఎల్బీనగర్లో రాజు నాయక్ కరాటే అకాడమీ ఆధ్వర్యంలో గ్రేడింగ్ టెస్ట్, బెల్ట్ అవార్డుల ప్రదానోత్సవం; విద్యార్థులకు బెల్టులు, సర్టిఫికెట్ల అందజేత.
LB Nagar: ఎల్బీనగర్లో కరాటే గ్రేడింగ్ టెస్ట్, బెల్ట్ అవార్డుల వేడుక
ఎల్బీనగర్: విద్యార్థుల్లో ఆత్మరక్షణ నైపుణ్యాలతో పాటు క్రమశిక్షణ, ఆత్మవిశ్వాసాన్ని పెంపొందించడమే లక్ష్యంగా ఎల్బీనగర్లో రాజు నాయక్ కరాటే అకాడమీ ఆధ్వర్యంలో కరాటే గ్రేడింగ్ టెస్ట్, బెల్ట్ అవార్డుల ప్రదానోత్సవాన్ని ఘనంగా నిర్వహించారు.
ఈ కార్యక్రమంలో అకాడమీకి చెందిన పలువురు విద్యార్థులు ఉత్సాహంగా పాల్గొని తమ కరాటే నైపుణ్యాలను ప్రదర్శించారు. గ్రేడింగ్ పరీక్షల్లో ప్రతిభ కనబరిచిన విద్యార్థులకు వివిధ స్థాయిల బెల్టులు, ప్రశంసాపత్రాలను నిర్వాహకులు, అతిథులు అందజేశారు.
ఈ సందర్భంగా అకాడమీ ప్రతినిధులు మాట్లాడుతూ.. ప్రస్తుత సమాజంలో చిన్నారులు, యువతకు ఆత్మరక్షణ విద్య ఎంతో అవసరమని పేర్కొన్నారు. కరాటే సాధనతో శారీరక దృఢత్వంతో పాటు మానసిక ఏకాగ్రత, క్రమశిక్షణ, ఆత్మస్థైర్యం అలవడతాయని తెలిపారు. ప్రతి విద్యార్థి చదువుతోపాటు ఏదో ఒక క్రీడలో రాణించాలని సూచించారు.
కార్యక్రమంలో అకాడమీ కోచ్ మాస్టర్ రాజు నాయక్, కిషోర్ మాస్టర్, ఈశ్వర్ మాస్టర్, రాంచరణ్ మాస్టర్, విద్యార్థుల తల్లిదండ్రులు, క్రీడాభిమానులు పాల్గొన్నారు.




