Kapra: గునిశాలు ఫౌండేషన్ ఆధ్వర్యంలో ఘనంగా సేవా కార్యక్రమం!

కాప్రా: కాప్రా సర్కిల్ పరిధిలోని హనుమాన్‌నగర్‌లో గునిశాలు ఫౌండేషన్ ఆధ్వర్యంలో 500 మంది నిరుపేద మహిళలకు చీరల పంపిణీ కార్యక్రమాన్ని ఘనంగా నిర్వహించారు. ఫౌండేషన్ చైర్‌పర్సన్ బి. సంతోషి లలిత తన కుమారుడు బి. రోహిత్ కుమార్ 18వ జన్మదినాన్ని పురస్కరించుకుని ఈ సేవా కార్యక్రమాన్ని ఏర్పాటు చేశారు.

పుట్టినరోజు వేడుకలను కేవలం కుటుంబ సభ్యులు, స్నేహితుల మధ్య జరుపుకోవడమే కాకుండా సమాజానికి ఉపయోగపడే విధంగా నిర్వహించాలనే ఉద్దేశంతో నిరుపేద మహిళలకు చీరలు పంపిణీ చేశారు. ఈ కార్యక్రమానికి ముఖ్య అతిథులుగా మాజీ కార్పొరేటర్ పజ్జురి పావని మణిపాల్ రెడ్డి, మేడ్చల్ జిల్లా ఎస్సీ సెల్ అధ్యక్షుడు పత్తి కుమార్, రాష్ట్ర ఓబీసీ కన్వీనర్ పాత కోటి రామలింగం, బీసీ నాయకుడు సింగం కిరణ్ హాజరయ్యారు.

ఈ సందర్భంగా ముఖ్య అతిథులు మాట్లాడుతూ పుట్టినరోజు వంటి వ్యక్తిగత వేడుకలను సేవా కార్యక్రమాలతో ముడిపెట్టి పేదలకు సహాయం అందించడం అభినందనీయమని పేర్కొన్నారు. సమాజంలో ఆర్థికంగా వెనుకబడిన వర్గాలకు చేయూతనివ్వడం ద్వారా సామాజిక బాధ్యతను నెరవేర్చవచ్చన్నారు. నిరుపేద మహిళలకు చీరలు పంపిణీ చేయడం ద్వారా వారి ముఖాల్లో ఆనందాన్ని నింపడం సంతోషకరమని తెలిపారు. ప్రతి ఒక్కరూ తమకు సాధ్యమైనంత మేరకు పేదలకు సహాయం అందించేందుకు ముందుకు రావాలని పిలుపునిచ్చారు.

గునిశాలు ఫౌండేషన్ ఆధ్వర్యంలో వృద్ధులు, దివ్యాంగులు, అనాథలు, ఆర్థికంగా వెనుకబడిన మహిళలు, చిన్నారులకు సహాయ సహకారాలు అందిస్తూ వివిధ సేవా కార్యక్రమాలు నిర్వహించడం ప్రశంసనీయమన్నారు. ఇలాంటి కార్యక్రమాలు సమాజంలో సేవాభావాన్ని పెంపొందించడంతో పాటు ఇతరులకు స్ఫూర్తిగా నిలుస్తాయని పేర్కొన్నారు.

సేవా దృక్పథంతో ముందుకు సాగుతూ అవసరంలో ఉన్నవారికి అండగా నిలవడం ద్వారా సమాజంలో మానవత్వం, పరస్పర సహకారం మరింత బలోపేతమవుతాయని తెలిపారు. ఈ సందర్భంగా ఫౌండేషన్ చైర్‌పర్సన్ బి. సంతోషి లలిత మాట్లాడుతూ తమ కుమారుడి 18వ జన్మదినాన్ని పురస్కరించుకుని నిరుపేద మహిళలకు చీరలు పంపిణీ చేయడం ఆనందంగా ఉందన్నారు.

భవిష్యత్తులోనూ ఫౌండేషన్ ద్వారా పేదలు, వృద్ధులు, దివ్యాంగులు, ఇతర అర్హులకు సహాయం అందించే కార్యక్రమాలను కొనసాగించేందుకు కృషి చేస్తామని తెలిపారు. కార్యక్రమంలో ఫౌండేషన్ ప్రతినిధులు, స్థానిక నాయకులు, మహిళలు, పాల్గొన్నారు.