Kapra: కాప్రా సాయిలు కాలనీలో భవానీ భక్తులకు ఘనంగా అన్న ప్రసాద వితరణ

కాప్రా: కాప్రా సర్కిల్ పరిధిలోని ఏఎస్ రావునగర్ డివిజన్ పరిధిలోని సాయిలు కాలనీలో దేవీ శరన్నవరాత్రి ఉత్సవాలను పురస్కరించుకొని శుక్రవారం భవానీ భక్తులకు అన్న ప్రసాద వితరణ కార్యక్రమాన్ని నిర్వహించారు. భక్తిశ్రద్ధలతో నిర్వహించిన ఈ కార్యక్రమంలో పలువురు భక్తులు పాల్గొని అమ్మవారి ఆశీస్సులు పొందారు. ఈ కార్యక్రమానికి మాజీ కార్పొరేటర్ పజ్జూరి పావని రెడ్డి ముఖ్య అతిథిగా హాజరయ్యారు.

ఈ సందర్భంగా పజ్జూరి పావని రెడ్డి మాట్లాడుతూ, దేవీ శరన్నవరాత్రులు భక్తి, ఆధ్యాత్మికతతో పాటు సేవాభావాన్ని చాటిచెప్పే పవిత్రమైన పర్వదినాలని పేర్కొన్నారు. అమ్మవారి ఆశీస్సులతో ప్రజలందరూ సుఖసంతోషాలతో, ఆయురారోగ్యాలతో ఉండాలని ఆకాంక్షించారు.

పండుగల సందర్భంగా అన్నదానం వంటి సేవా కార్యక్రమాలు నిర్వహించడం అభినందనీయమని, ఆకలితో ఉన్నవారికి అన్న ప్రసాద వితరణ గొప్ప సేవ అని అన్నారు. నవరాత్రి ఉత్సవాల సందర్భంగా భక్తులకు అన్న ప్రసాదం అందించడం ద్వారా నిర్వాహకులు భక్తి, సేవాభావాన్ని చాటారని పేర్కొన్నారు.

ఈ కార్యక్రమంలో స్థానిక నాయకులు కాలనీవాసులు, భవానీ భక్తులు పాల్గొన్నారు. ఈ కార్యక్రమంలో కాలనీవాసులు డి. శ్రీనివాస్, యశ్వంత్, ప్రకాష్, శ్రీనివాసరావు, మిధున, సాయికుమార్ తదితరులు పాల్గొన్నారు.