Hyderabad: క్రీడా అకాడమీల కోసం 'స్పోర్ట్-ఈ' డిజిటల్ ప్లాట్‌ఫామ్ ఆవిష్కరణ
Hyderabad: గచ్చిబౌలి గోపీచంద్ అకాడమీలో 'స్పోర్ట్-ఈ' డిజిటల్ ప్లాట్‌ఫామ్‌ను ఆవిష్కరించిన మంత్రి శ్రీధర్ బాబు, గోపీచంద్. క్రీడా అకాడమీల నిర్వహణ మరింత సులభతరం.
Hyderabad: క్రీడా అకాడమీల కోసం 'స్పోర్ట్-ఈ' డిజిటల్ ప్లాట్‌ఫామ్ ఆవిష్కరణ
హైదరాబాద్: క్రీడా అకాడమీల నిర్వహణకు సరికొత్త డిజిటల్ ప్లాట్‌ఫామ్ అందుబాటులోకి వచ్చింది. వెబ్‌ల్యాబ్స్ అభివృద్ధి చేసిన స్పోర్ట్-ఈ (SportE) ప్లాట్‌ఫామ్‌ను హైదరాబాద్ గచ్చిబౌలిలోని పుల్లెల గోపీచంద్ బ్యాడ్మింటన్ అకాడమీలో రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు, ప్రముఖ బ్యాడ్మింటన్ క్రీడాకారుడు పుల్లెల గోపీచంద్, మాజీ క్రికెటర్ చాముండేశ్వరనాథ్ కలిసి ఆవిష్కరించారు.
క్రీడా వేదికలు, అకాడమీల నిర్వహణను సులభతరం చేయడమే ఈ ప్లాట్‌ఫామ్ ప్రధాన లక్ష్యమని గోపీచంద్ తెలిపారు. ఆన్‌లైన్ బుకింగ్స్, చెల్లింపులు, కస్టమర్ల వివరాలు, మార్కెటింగ్ వంటి సేవలను ఒకే డ్యాష్‌బోర్డ్ ద్వారా నిర్వహించుకోవచ్చన్నారు. భవిష్యత్తులో ఏఐ ఆధారిత అనలిటిక్స్, రిపోర్టింగ్ సదుపాయాలను కూడా అందుబాటులోకి తీసుకురానున్నట్లు నిర్వాహకులు వెల్లడించారు.
