Hyderabad: విద్యార్థులకు 'కిడ్స్ ల్యాబ్'.. వాతావరణ స్పృహపై అవగాహన!

హైదరాబాద్‌: హైదరాబాద్‌లో బీఏఎస్‌ఎఫ్‌ సంస్థ, సీఎస్ఐఆర్‌–ఐఐసీటీ సహకారంతో కిడ్స్‌ ల్యాబ్‌ కార్యక్రమాన్ని నిర్వహిస్తోంది. అక్టోబర్‌ 26 నుంచి 31 వరకు జరిగే ఈ కార్యక్రమం ద్వారా ప్రభుత్వ పాఠశాలలకు చెందిన 1,150 మంది విద్యార్థులకు ప్రయోగాత్మక రసాయన శాస్త్ర విద్యతో పాటు వాతావరణ పరిరక్షణపై అవగాహన కల్పిస్తున్నారు.

నీటి శుద్ధి వంటి ప్రయోగాల ద్వారా విద్యార్థుల్లో శాస్త్రీయ ఆసక్తిని పెంపొందించడంతో పాటు పర్యావరణ పరిరక్షణ ప్రాముఖ్యతను వివరిస్తున్నారు. ఈ కార్యక్రమం విద్యార్థుల్లో శాస్త్రీయ జిజ్ఞాసను, పర్యావరణ బాధ్యతను పెంపొందిస్తుందని సీఎస్ఐఆర్‌–ఐఐసీటీ డైరెక్టర్‌ డాక్టర్‌ డి. శ్రీనివాస రెడ్డి పేర్కొన్నారు.