Hyderabad: పహాడీషరీఫ్ పరిధిలో 32 సీసీటీవీ కెమెరాలు ప్రారంభం
Hyderabad: పహాడీషరీఫ్ శ్రీరామ్ కాలనీలో 32 కమ్యూనిటీ సీసీటీవీ కెమెరాలను ఏసీపీ శ్రీకాంత్ గౌడ్ ప్రారంభించారు. నేరాల నివారణకు ఇవి ఎంతగానో ఉపయోగపడతాయని తెలిపారు.
Hyderabad: పహాడీషరీఫ్ పరిధిలో 32 సీసీటీవీ కెమెరాలు ప్రారంభం
హైదరాబాద్: ప్రాంతీయ నిఘాను బలపరచడం మరియు ప్రజల భద్రతను మెరుగుపరిచే లక్ష్యంతో పహాడీషరీఫ్ పోలీస్ స్టేషన్ పరిధిలోని శ్రీరామ్ కాలనీలో ఏర్పాటు చేసిన 32 కమ్యూనిటీ సీసీటీవీ కెమెరాలను ఆర్‌జిఐఏ (RGIA) డివిజన్ ఏసీపీ శ్రీ శ్రీకాంత్ గౌడ్ ఈరోజు ఘనంగా ప్రారంభించారు.
శ్రీనగర్ స్మాల్ స్కేల్ ఇండస్ట్రీస్ కమ్యూనిటీ దాతల ఉదార సహాయ సహకారాలతో ఈ సీసీటీవీ కెమెరాలను అమర్చడం జరిగింది.
ఈ సందర్భంగా ఏసీపీ శ్రీ శ్రీకాంత్ గౌడ్ మరియు పహాడీషరీఫ్ పోలీస్ ఇన్‌స్పెక్టర్ శ్రీ బి. లక్ష్మీనారాయణ రెడ్డి మాట్లాడుతూ... ప్రజా భద్రత కోసం సీసీటీవీ కెమెరాల ఏర్పాటుకు సహకరించిన పరిశ్రమల యజమానులను, దాతలను ప్రత్యేకంగా అభినందించారు. ఈ కొత్త సీసీటీవీ కెమెరాలు నేరాల నివారణకు, నేరస్థులను త్వరగా పట్టుకోవడానికి, అనుమానాస్పద కార్యకలాపాలపై నిరంతరం నిఘా ఉంచడానికి మరియు ప్రాంతంలో శాంతిభద్రతల పరిరక్షణకు ఎంతగానో ఉపయోగపడతాయని తెలిపారు.
నగరాన్ని సురక్షితంగా మార్చేందుకు ఇతర వ్యాపార వర్గాలు, కాలనీ సంక్షేమ సంఘాలు కూడా ముందుకు వచ్చి కమ్యూనిటీ సీసీటీవీ ప్రాజెక్ట్‌లో భాగస్వాములు కావాలని ఈ సందర్భంగా అధికారులు విజ్ఞప్తి చేశారు.
జారీ చేసిన వారు - బి. లక్ష్మీనారాయణ రెడ్డి, ఇన్‌స్పెక్టర్ ఆఫ్ పోలీస్, పహాడీషరీఫ్ పోలీస్ స్టేషన్, హైదరాబాద్ సిటీ పోలీస్
