Boduppal: బోడుప్పల్‌లో కాంగ్రెస్ పార్టీ ఆధ్వర్యంలో ఘనంగా గాంధీ జయంతి!
Boduppal: బోడుప్పల్‌లో కాంగ్రెస్ పార్టీ ఆధ్వర్యంలో మహాత్మా గాంధీ జయంతి వేడుకలను ఘనంగా నిర్వహించారు. గాంధీజీ విగ్రహానికి నాయకులు నివాళులర్పించారు.
Boduppal: బోడుప్పల్‌లో కాంగ్రెస్ పార్టీ ఆధ్వర్యంలో ఘనంగా గాంధీ జయంతి!
Boduppal: జాతిపిత మహాత్మా గాంధీ జయంతి వేడుకలను బోడుప్పల్‌లో కాంగ్రెస్ పార్టీ ఆధ్వర్యంలో ఘనంగా నిర్వహించారు. ఈ సందర్భంగా డీసీసీ అధ్యక్షుడు తోటకూర వజ్రేష్ యాదవ్, మాజీ మేయర్‌ తోటకూర అజయ్ యాదవ్ గాంధీజీ చిత్రపటానికి, విగ్రహానికి పూలమాలలు వేసి ఘనంగా నివాళులర్పించారు. అనంతరం గాంధీజీ దేశానికి చేసిన సేవలను, స్వాతంత్ర్య ఉద్యమంలో ఆయన పోషించిన కీలక పాత్రను స్మరించుకున్నారు.
ఈ సందర్భంగా తోటకూర వజ్రేష్ యాదవ్ మాట్లాడుతూ.. మహాత్మా గాంధీజీ అనుసరించిన సత్యం, అహింస, శాంతి మార్గాలు ప్రపంచానికే ఆదర్శంగా నిలిచాయని అన్నారు. ఎలాంటి హింసకు తావులేకుండా అహింసా మార్గంలో బ్రిటిష్‌ పాలనకు వ్యతిరేకంగా గాంధీజీ సాగించిన పోరాటం భారత స్వాతంత్ర్య ఉద్యమంలో చారిత్రాత్మక ఘట్టమని పేర్కొన్నారు. సాధారణ ప్రజలను స్వాతంత్ర్య ఉద్యమంలో భాగస్వాములను చేసి, వారిలో చైతన్యం తీసుకురావడంలో గాంధీజీ చేసిన కృషి మరువలేనిదని అన్నారు.
దేశ స్వాతంత్ర్యం కోసం గాంధీజీ చేసిన త్యాగాలు, ఆయన చూపిన మార్గదర్శక సూత్రాలు నేటి తరానికి కూడా ఎంతో అవసరమని తోటకూర అజయ్ యాదవ్ అన్నారు. సమాజంలో శాంతి, సామరస్యం, సోదరభావం పెంపొందించేందుకు ప్రతి ఒక్కరూ గాంధీజీ ఆశయాలను ఆచరించాలని సూచించారు. వ్యక్తిగత జీవితంలోనూ, ప్రజా జీవితంలోనూ సత్యం, నైతిక విలువలకు ప్రాధాన్యం ఇవ్వాలని పిలుపునిచ్చారు.
గాంధీజీ కలలుగన్న స్వచ్ఛమైన, సమానత్వంతో కూడిన సమాజ నిర్మాణానికి ప్రతి ఒక్కరూ తమ వంతు కృషి చేయాలని అజయ్ యాదవ్ అన్నారు. ఆయన ఆశయాలను కేవలం జయంతి రోజున స్మరించుకోవడం కాకుండా నిత్య జీవితంలో ఆచరించడమే గాంధీజీకి ఇచ్చే నిజమైన నివాళి అని పేర్కొన్నారు. కార్యక్రమంలో సీనియర్ నాయకులు పోగుల నరసింహ రెడ్డి, రాపోలు రాములు, కొత్త కిషోర్ గౌడ్, మాజీ కార్పొరేటర్లు, డివిజన్ అధ్యక్షులు, సీనియర్ నాయకులు, కార్యకర్తలు పెద్ద సంఖ్యలో పాల్గొన్నారు.
