Vikarabad: దీపావళి కానుక పేరుతో సైబర్ మోసాలు: సీఐ వెంకట్

వికారాబాద్: దీపావళి పండుగను ఆసరాగా చేసుకుని సైబర్ నేరగాళ్లు కొత్త తరహా మోసాలకు పాల్పడుతున్నారని, ప్రజలు అప్రమత్తంగా ఉండాలని మోమిన్‌పేట్ సర్కిల్ ఇన్‌స్పెక్టర్ జి. వెంకట్ సూచించారు.

ప్రధానమంత్రి నరేంద్ర మోదీ పేరుతో ప్రతి ఒక్కరికీ దీపావళి కానుకగా రూ.8,000 ఆర్థిక సహాయం అందిస్తున్నారంటూ సైబర్ నేరగాళ్లు వాట్సాప్ ద్వారా నకిలీ సందేశాలను పంపిస్తున్నట్లు తెలిపారు. కేంద్ర ప్రభుత్వ పేరును దుర్వినియోగం చేస్తూ, నకిలీ వెబ్‌సైట్ లింకుల ద్వారా ప్రజలను మోసం చేసేందుకు ప్రయత్నిస్తున్నారని పేర్కొన్నారు.

అనుమానాస్పద లింకులతో జాగ్రత్త!

వాట్సాప్‌లో వచ్చే ఇలాంటి నకిలీ లింకులపై క్లిక్ చేస్తే వ్యక్తిగత వివరాలు, బ్యాంకు ఖాతా సమాచారం, ఏటీఎం కార్డు వివరాలు, ఓటీపీలు సేకరించి సైబర్ నేరాలకు పాల్పడే ప్రమాదం ఉందని సీఐ హెచ్చరించారు. ప్రభుత్వ పథకాల పేరుతో వచ్చే సందేశాలను గుడ్డిగా నమ్మవద్దని సూచించారు.

సర్కిల్ పోలీసుల సూచనలు

- ప్రధానమంత్రి దీపావళి కానుక పేరుతో వచ్చే రూ.8,000 నగదు సహాయ సందేశాలను నమ్మవద్దు.

- గుర్తుతెలియని వ్యక్తులు పంపే అనుమానాస్పద లింకులపై క్లిక్ చేయవద్దు.

- ఆధార్ నంబర్, బ్యాంకు ఖాతా వివరాలు, ఏటీఎం కార్డు సీవీవీ నంబర్, ఓటీపీ వంటి రహస్య సమాచారాన్ని ఎవరికీ వెల్లడించవద్దు.

- ఇలాంటి నకిలీ సందేశాలను ఇతరులకు ఫార్వర్డ్ చేయవద్దు.

- ప్రభుత్వ పథకాల నిజానిజాలను అధికారిక ప్రభుత్వ వెబ్‌సైట్ల ద్వారా మాత్రమే నిర్ధారించుకోవాలి.

సైబర్ మోసానికి గురైతే వెంటనే ఫిర్యాదు చేయాలి.

ఒకవేళ ఎవరైనా సైబర్ మోసానికి గురైతే ఆలస్యం చేయకుండా వెంటనే 1930 సైబర్ క్రైమ్ హెల్ప్‌లైన్ నంబర్‌కు ఫోన్ చేయాలని లేదా www.cybercrime.gov.in వెబ్‌సైట్.