Dundigal: స్పోర్ట్స్ కాంప్లెక్స్, బీటీ రోడ్డు పనులను పరిశీలించిన సిఎమ్‌సి కమిషనర్!

Dundigal: సైబరాబాద్ మున్సిపల్ కార్పొరేషన్ (CMC) కమిషనర్ అక్టోబర్ 26, 2026న ఉదయం దుండిగల్ సర్కిల్‌లో క్షేత్రస్థాయి పర్యటన నిర్వహించి, దుండిగల్ మున్సిపల్ స్టేడియంలో కొనసాగుతున్న స్పోర్ట్స్ కాంప్లెక్స్ నిర్మాణం మరియు ఇతర సివిల్ పనుల పురోగతిని సమీక్షించారు.

ఈ తనిఖీలో కుత్బుల్లాపూర్ జోనల్ కమిషనర్, ఎగ్జిక్యూటివ్ ఇంజినీర్, దుండిగల్ సర్కిల్ డిప్యూటీ కమిషనర్‌తో పాటు సంబంధిత అధికారులు పాల్గొన్నారు.

అనంతరం, ఔటర్ రింగ్ రోడ్ (ORR) సర్వీస్ రోడ్డు నుంచి బౌరంపేట వరకు చేపడుతున్న బీటీ రహదారి నిర్మాణ పనులతో పాటు సర్కిల్ పరిధిలో కొనసాగుతున్న ఇతర అభివృద్ధి పనులను కమిషనర్ పరిశీలించారు.

ఈ సందర్భంగా పనుల పురోగతిని సమీక్షించిన కమిషనర్, పెండింగ్‌లో ఉన్న సమస్యలను వెంటనే పరిష్కరించాలని, పనుల వేగాన్ని పెంచాలని, నిర్దేశించిన నాణ్యతా ప్రమాణాలను పాటిస్తూ అన్ని పనులను నిర్ణీత గడువులోగా పూర్తి చేయాలని సంబంధిత అధికారులను ఆదేశించారు.