Guntur: వీవీఐటీయూలో రక్తదాన శిబిరం.. 120 మంది రక్తదానం

Guntur: సమాజ సేవలో భాగంగా వీవీఐటీయూ ఎన్‌ఎస్‌ఎస్ విభాగం – యూనిట్ 06 ఆధ్వర్యంలో రెయిన్‌బో హాస్పిటల్స్ సహకారంతో కళాశాల ప్రాంగణంలో రక్తదాన శిబిరాన్ని నిర్వహించారు. ఈ శిబిరానికి విద్యార్థులు, అధ్యాపకులు, సిబ్బంది ఉత్సాహంగా స్పందించి మొత్తం 120 మంది స్వచ్ఛందంగా రక్తదానం చేశారు.

ఈ కార్యక్రమంలో వీవీఐటీయూ రిజిస్ట్రార్ మరియు ఎన్‌ఎస్‌ఎస్ ప్రోగ్రామ్ అధికారి శ్రీమతి ఎం. బేబీ అనూష పాల్గొని రక్తదాతలను అభినందించారు. రక్తదానం ఎంతో విలువైన సామాజిక సేవ అని, ఒక వ్యక్తి చేసిన రక్తదానం అవసరమైన సమయంలో మరొకరి ప్రాణాలను కాపాడేందుకు ఉపయోగపడుతుందని వారు పేర్కొన్నారు.

ఈ సందర్భంగా రిజిస్ట్రార్ రక్తదాతలను అభినందించి, వారికి పండ్లు మరియు పానీయాలను పంపిణీ చేశారు. యువతలో స్వచ్ఛంద రక్తదానంపై అవగాహన పెంపొందించడంతో పాటు, సామాజిక బాధ్యత పట్ల చైతన్యం కల్పించేందుకు ఇటువంటి కార్యక్రమాలు ఎంతో ఉపయోగకరంగా ఉంటాయని తెలిపారు.

రెయిన్‌బో హాస్పిటల్స్ వైద్య సిబ్బంది రక్తదాన ప్రక్రియను సమర్థవంతంగా నిర్వహించారు.