Chirala: 252 కుండముల గాయత్రీ మహాయజ్ఞం భూమి పూజ మహోత్సవం!

చీరాల: చీరాలలో నిర్వహించనున్న 252 కుండముల దేశ శౌర్య సమృద్ధి గాయత్రీ మహాయజ్ఞానికి సంబంధించి ఆదివారం భూమి పూజ మహోత్సవం నిర్వహించనున్నారు. అఖండ జ్యోతి, వందనీయ మాతాజీ శతజయంతి సందర్భంగా అఖిల విశ్వ గాయత్రీ పరివార్, శాంతికుంజ్, హరిద్వార్ వారి మార్గదర్శకత్వంలో, గాయత్రీ పరివార్ చీరాల శాఖ ఆధ్వర్యంలో ఈ కార్యక్రమానికి ఏర్పాట్లు చేశారు.

వేదమూర్తి, తపోనిష్ఠ, యుగద్రష్ట పరమపూజ్య గురుదేవులు పండిట్ శ్రీరామశర్మ ఆచార్య, పరమవందనీయ మాతా భగవతీదేవి శర్మల సూక్ష్మ సంరక్షణలో, డాక్టర్ ప్రణవ్ పాండ్య, శైలబాల పాండ్యల ఆశీస్సులతో ఈ మహాయజ్ఞాన్ని నిర్వహించనున్నట్లు నిర్వాహకులు తెలిపారు.

ఆదివారం ఉదయం 9 గంటలకు చీరాల రామకృష్ణాపురంలోని భారత్ ఇండస్ట్రీస్ ప్రాంగణంలో భూమి పూజ మహోత్సవం జరగనుంది. ఈ సందర్భంగా గాయత్రీ మాత అనుగ్రహం పొందేందుకు ప్రజలందరూ కార్యక్రమంలో పాల్గొనాలని నిర్వాహకులు కోరారు.

దేశ శౌర్య సమృద్ధి, సమాజ శ్రేయస్సు, లోకకల్యాణాన్ని ఆకాంక్షిస్తూ నిర్వహించనున్న ఈ మహాయజ్ఞంలో భక్తులు పెద్ద సంఖ్యలో పాల్గొనాలని విజ్ఞప్తి చేశారు. కార్యక్రమానికి హాజరయ్యే భక్తులకు భోజన ప్రసాదం ఏర్పాటు చేసినట్లు తెలిపారు.

మరిన్ని వివరాలకు: 9441788423, 9347297762, 8919594187, 9440942294, 8019361126, 9247284066 నంబర్లను సంప్రదించగలరని కోరారు.