Vinukonda: వినుకొండ నియోజకవర్గంలో ముగిసిన ఎంపీటీసీ నామినేషన్ల ఘట్టం!

Vinukonda: వినుకొండ నియోజకవర్గంలో ఎంపీటీసీ ఎన్నికలకు సంబంధించిన నామినేషన్ల ప్రక్రియ శుక్రవారంతో ముగిసింది. నియోజకవర్గంలోని ఐదు మండలాల్లో ఎంపీటీసీ స్థానాలకు అభ్యర్థులు పెద్ద సంఖ్యలో నామినేషన్లు దాఖలు చేసినట్లు సంబంధిత అధికారులు వెల్లడించారు.

మండలాల వారీగా నామినేషన్ల వివరాలను పరిశీలిస్తే.. వినుకొండ మండలంలో మొత్తం 15 ఎంపీటీసీ స్థానాలకు 43 నామినేషన్లు దాఖలయ్యాయి. శావల్యాపురం మండలంలో 11 స్థానాలకు 28, నూజెండ్ల మండలంలో 15 ఎంపీటీసీ స్థానాలకు గాను 49, అదేవిధంగా ఈపూరు మండలంలో 13 ఎంపీటీసీ స్థానాలకు 32, బొల్లాపల్లి మండలంలో 17 స్థానాలకు 52 నామినేషన్లు దాఖలైనట్లు అధికారులు తెలిపారు.

మొత్తంగా వినుకొండ నియోజకవర్గంలోని ఐదు మండలాల్లో 71 ఎంపీటీసీ స్థానాలకు 204 నామినేషన్లు దాఖలయ్యాయి. నామినేషన్ల ఘట్టం ముగియడంతో ఎన్నికల ప్రక్రియలో తదుపరి దశపై అభ్యర్థులు, రాజకీయ పార్టీల నాయకులు దృష్టి సారించారు. నామినేషన్ల పరిశీలన అనంతరం బరిలో నిలిచే అభ్యర్థులపై స్పష్టత రానుంది. దీంతో ఆయా మండలాల్లో ఎన్నికల సందడి మరింత పెరిగే అవకాశం ఉంది.