Kukunoor: కుక్కునూరులో కూటమి జోరు: జడ్పీటీసీ, 7 ఎంపీటీసీలు కైవసం!

కుక్కునూరు: స్థానిక సంస్థల ఎన్నికల్లో కుక్కునూరు మండలంలో కూటమి అభ్యర్థులు విజయభేరి మోగించారు. జడ్పీటీసీ స్థానాన్ని తెలుగుదేశం పార్టీ అభ్యర్థి బొంతు కొమలాదేవి 1889 ఓట్ల భారీ మెజారిటీతో కైవసం చేసుకున్నారు. అదేవిధంగా మండలంలోని మొత్తం పది ఎంపీటీసీ స్థానాలకు జరిగిన ఎన్నికల్లో ఏడు స్థానాలను కూటమి మద్దతుతో పోటీ చేసిన టీడీపీ అభ్యర్థులు గెలుచుకోగా, మిగిలిన మూడు స్థానాల్లో వైఎస్సార్‌సీపీ అభ్యర్థులు విజయం సాధించారు.

జడ్పీటీసీతో పాటు ఏడు ఎంపీటీసీ స్థానాలను కైవసం చేసుకోవడంతో కుక్కునూరు మండలంలో కూటమి శ్రేణుల్లో నూతనోత్సాహం నెలకొంది. ఎన్నికల ఫలితాలు వెలువడిన వెంటనే టీడీపీ, కూటమి నాయకులు, కార్యకర్తలు సంబరాల్లో మునిగిపోయారు. బాణసంచా కాల్చుతూ, స్వీట్లు పంపిణీ చేసుకుంటూ విజయోత్సవాలు నిర్వహించారు. ఈ విజయంతో మండలంలో కూటమి శ్రేణుల్లో ఆనందోత్సాహాలు వెల్లివిరిశాయి.