Kukkunoor: కుక్కునూరులో టీడీపీలోకి 40 కుటుంబాల చేరిక!

Kukkunoor: కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలకు ఆకర్షితులై కుక్కునూరు మండలంలోని సీఎం కాలనీకి చెందిన సుమారు 40 కుటుంబాలు తెలుగుదేశం పార్టీలో చేరాయి. టీడీపీ మండల అధ్యక్షుడు ములిసెట్టి నాగేశ్వరరావు (నాగు) ఆధ్వర్యంలో ఈ చేరికల కార్యక్రమం జరిగింది.

కూటమి ప్రభుత్వం అమలు చేస్తున్న సంక్షేమ పథకాలు, చేపడుతున్న అభివృద్ధి కార్యక్రమాలపై విశ్వాసంతో తాము తెలుగుదేశం పార్టీలో చేరినట్లు ఆయా కుటుంబాల సభ్యులు తెలిపారు. ఈ చేరికలతో సీఎం కాలనీలో పార్టీకి మరింత బలం చేకూరిందని స్థానిక పార్టీ నాయకులు పేర్కొన్నారు.

ఈ సందర్భంగా ములిసెట్టి నాగేశ్వరరావు కొత్తగా పార్టీలో చేరిన కుటుంబాలకు స్వాగతం పలికారు. అందరినీ కలుపుకొని పార్టీ బలోపేతానికి, గ్రామ అభివృద్ధికి కృషి చేస్తామని తెలిపారు. ప్రజల సంక్షేమం, స్థానిక అభివృద్ధికి ప్రాధాన్యమిస్తూ ముందుకు సాగుతామని ఆయన పేర్కొన్నారు.