Madanapalle: స్థానిక సంస్థల్లో ఎలక్షన్ కాదు, సెలక్షన్లు గాజుల భాస్కర్!

మదనపల్లె: ఆంధ్రప్రదేశ్‌లో స్థానిక సంస్థల ఎలక్షన్ ప్రజాస్వామ్య పద్ధతిలో జరగడం లేదని, ఎలక్షన్లో పేరుతో సెలక్షన్లు జరుగుతున్నాయని కాంగ్రెస్ పార్టీ అన్నమయ్య జిల్లా అధ్యక్షుడు, సీనియర్ నాయకుడు గాజుల భాస్కర్ విమర్శించారు.

బుధవారం మదనపల్లె ప్రెస్ క్లబ్‌లో నిర్వహించిన సమావేశంలో ఆయన మాట్లాడుతూ.. స్థానిక సంస్థల ఎన్నికల్లో ప్రజలకు స్వేచ్ఛగా తమ ప్రతినిధులను ఎన్నుకునే అవకాశం కల్పించాలని అన్నారు.

ఎన్నికల ప్రక్రియలో ప్రజాస్వామ్య విలువలు, పారదర్శకతకు ప్రాధాన్యత ఇవ్వాలని పేర్కొన్నారు. స్థానిక సంస్థలు ప్రజలకు చేరువగా ఉండి, వారి సమస్యల పరిష్కారానికి కృషి చేయాల్సిన అవసరం ఉందని గాజుల భాస్కర్ అభిప్రాయపడ్డారు. ప్రజాస్వామ్య వ్యవస్థలో ప్రజల అభిప్రాయానికి గౌరవం దక్కాలని ఆయన పేర్కొన్నారు.