జియో నుంచి అత్యంత చౌకైన ప్లాన్.. అన్‌లిమిటెడ్ కాల్స్‌తోపాటు డేటా బెనిఫిట్స్..!

Jio Rs 123 plan: తక్కువ బడ్జెట్‌లో ఎక్కువ ప్రయోజనాలను అందించాలనే ఉద్దేశంతో రిలయన్స్ జియో రూ.123 ధరతో ఈ ఆకర్షణీయమైన ప్రీపెయిడ్ ప్లాన్‌ను మార్కెట్లోకి తెచ్చింది. సాధారణ అవసరాలు ఉండే మొబైల్ యూజర్లను దృష్టిలో ఉంచుకొని సరిగ్గా నెల రోజుల వ్యవధితో దీనిని రూపొందించారు. ఈ రూ.123 రీఛార్జ్ ప్లాన్ పూర్తి కాలపరిమితి 28 రోజులుగా ఉంది. ఈ ప్లాన్ ద్వారా వినియోగదారులకు ప్రతిరోజూ 500 ఎంబీ హై-స్పీడ్ డేటా లభిస్తుంది. దీని ప్రకారం మొత్తం ప్లాన్ వ్యవధిలో యూజర్లు 14 జీబీ వరకు డేటాను వినియోగించుకోవచ్చు. వాట్సప్ చాటింగ్, వార్తలు చదవడం, సాధారణ సోషల్ మీడియా అవసరాలకు ఈ డేటా సరిపోతుందని కంపెనీ తెలిపింది. కేవలం డేటా మాత్రమే కాకుండా, ఏ నెట్‌వర్క్‌కైనా అపరిమిత వాయిస్ కాల్స్ మాట్లాడుకునే సౌకర్యం ఉంది. అలాగే రోజుకు 300 చొప్పున ఎస్‌ఎంఎస్‌లను కూడా ఈ ప్లాన్ ద్వారా ఉచితంగా పొందవచ్చు.

అయితే, ఈ ప్లాన్‌కు సంబంధించి ఒక ముఖ్యమైన నిబంధన ఉంది. ఈ ప్రత్యేక ఆఫర్ కేవలం 'జియోభారత్' లేదా కీప్యాడ్ ఫీచర్ ఫోన్లను వాడుతున్న వినియోగదారులకు మాత్రమే వర్తిస్తుందని జియో స్పష్టం చేసింది. సాధారణ స్మార్ట్‌ఫోన్ లేదా ఐఫోన్ వాడే యూజర్లకు ఈ ప్లాన్ వర్తించదని పేర్కొంది. కాబట్టి వినియోగదారులు రీఛార్జ్ చేసుకునే ముందు మైజియో యాప్ లేదా అధికారిక వెబ్‌సైట్ ద్వారా తమ నంబర్‌పై ఈ ప్లాన్ వర్తిస్తుందో లేదో సరిచూసుకోవాలని సూచించారు. కీప్యాడ్ 4జీ ఫోన్లు ఉపయోగిస్తూ తక్కువ ఖర్చుతో బేసిక్ కాలింగ్, ఇంటర్నెట్ సేవలు కోరుకునేవారికి ఇది చక్కటి ఎంపికగా నిలుస్తుంది.