Bank Holidays: బ్యాంకు ఖాతాదారులకు అలర్ట్.. వచ్చే వారం వరుస సెలవులు
Bank Holidays: వచ్చే వారం గురునానక్ జయంతి, కార్తీక పౌర్ణమి, కనకదాస జయంతి, నాలుగో శనివారం కారణంగా బ్యాంకులకు సెలవులు. పూర్తి వివరాలు తెలుసుకోండి.
Bank Holidays: బ్యాంకు ఖాతాదారులకు అలర్ట్.. వచ్చే వారం వరుస సెలవులు
Bank Holidays: బ్యాంకు ఖాతాదారులకు ముఖ్య గమనిక. నవంబర్ చివరి వారంలో దేశంలోని పలు ప్రాంతాల్లో బ్యాంకులకు వరుస సెలవులు రానున్నాయి. నవంబర్ 22 నుంచి 28వ తేదీ వరకు గురునానక్ జయంతి, కార్తీక పౌర్ణమి, కనకదాస జయంతి, నాలుగో శనివారం వంటి కారణాలతో వివిధ తేదీల్లో బ్యాంకులు మూతపడనున్నాయి. ముఖ్యమైన ఆర్థిక లావాదేవీల కోసం బ్యాంకు శాఖలకు వెళ్లాలనుకునే వారు సెలవుల వివరాలను ముందుగానే తెలుసుకోవడం మంచిది.
నవంబర్ 22 నుంచి 28 వరకు బ్యాంకు సెలవుల వివరాలు
రిజర్వ్ బ్యాంక్ ఆఫ్ ఇండియా (RBI) సెలవుల క్యాలెండర్ ప్రకారం నవంబర్ 22న ఆదివారం కావడంతో దేశవ్యాప్తంగా బ్యాంకులకు సాధారణ సెలవు ఉంటుంది. నవంబర్ 23న ‘సెంగ్ కుట్ స్నెమ్’ పండుగ సందర్భంగా షిల్లాంగ్లో మాత్రమే బ్యాంకులు పనిచేయవు.
నవంబర్ 24న గురునానక్ జయంతి, కార్తీక పౌర్ణమి సందర్భంగా హైదరాబాద్తో పాటు న్యూఢిల్లీ, ముంబై, కోల్కతా, భోపాల్, చండీగఢ్, జైపూర్, కాన్పూర్, లక్నో తదితర నగరాల్లో బ్యాంకులకు సెలవు ఉంటుంది.
బెంగళూరులో నవంబర్ 27న సెలవు
నవంబర్ 27న కనకదాస జయంతి సందర్భంగా బెంగళూరులో బ్యాంకు శాఖలు మూసి ఉంటాయి. నవంబర్ 28న నెలలో నాలుగో శనివారం కావడంతో దేశవ్యాప్తంగా ప్రభుత్వ, ప్రైవేట్ రంగ బ్యాంకులకు సెలవు ఉంటుంది. అయితే ప్రాంతీయ పండుగలు, రాష్ట్రాలవారీగా ప్రకటించే సెలవుల ఆధారంగా ఈ జాబితాలో మార్పులు ఉండవచ్చు.
డిజిటల్ బ్యాంకింగ్ సేవలకు అంతరాయం ఉండదు
బ్యాంకు శాఖలు మూసి ఉన్నప్పటికీ డిజిటల్ బ్యాంకింగ్ సేవలు యథావిధిగా అందుబాటులో ఉంటాయి. యూపీఐ (UPI), నెట్ బ్యాంకింగ్, మొబైల్ బ్యాంకింగ్, ఏటీఎం సేవలను వినియోగదారులు 24 గంటలూ ఉపయోగించుకోవచ్చు. అయితే చెక్కుల క్లియరెన్స్, నగదు డిపాజిట్లు, ఇతర బ్రాంచ్ ఆధారిత పనులు ఉన్నవారు సెలవులకు ముందే పూర్తి చేసుకోవడం మంచిది.




