Airtel Recharge Plan: ఎయిర్‌టెల్ కొత్త రీఛార్జ్ ప్లాన్.. 56జీబీ డేటా

Airtel Recharge Plan Offers: భారతీ ఎయిర్‌టెల్ తన ప్రీపెయిడ్ వినియోగదారుల కోసం మరో కొత్త రీఛార్జ్ ప్లాన్‌ను అందుబాటులోకి తీసుకొచ్చింది. రూ.348 ధరతో లభించే ఈ ప్లాన్‌లో రోజువారీ డేటాతో పాటు అన్‌లిమిటెడ్ కాలింగ్, ఎస్ఎంఎస్‌లు, అదనపు డిజిటల్ ప్రయోజనాలు ఉన్నాయి. 28 రోజుల వ్యాలిడిటీతో వచ్చే ఈ ప్లాన్‌లో మొత్తం 56జీబీ డేటా లభిస్తుంది.

రూ.348 ప్లాన్‌తో ప్రతిరోజూ 2జీబీ హైస్పీడ్ డేటాను వినియోగించుకోవచ్చు. అలాగే రోజుకు 100 ఎస్ఎంఎస్‌లు, దేశవ్యాప్తంగా అపరిమిత వాయిస్ కాలింగ్ సదుపాయం ఉంటుంది. దీంతో సాధారణంగా డేటా, కాలింగ్ అవసరాల కోసం ప్రత్యేకంగా ఇతర ప్యాక్‌లను తీసుకోవాల్సిన అవసరం ఉండదు.

ఈ రీఛార్జ్‌లో మరో ప్రత్యేక ఆకర్షణగా ఏడాది పాటు అడోబ్ ఎక్స్‌ప్రెస్ ప్రీమియం సబ్‌స్క్రిప్షన్‌ను ఉచితంగా అందిస్తున్నట్లు ఎయిర్‌టెల్ పేర్కొంది. ఫొటోలు, పోస్టర్లు, సోషల్ మీడియా కంటెంట్ వంటి వాటిని డిజైన్ చేసుకునే వారికి ఈ సబ్‌స్క్రిప్షన్ ఉపయోగపడుతుంది. సాధారణంగా దీనికి చెల్లించే మొత్తంతో పోలిస్తే వినియోగదారులు దాదాపు రూ.4 వేల వరకు ఆదా చేసుకోవచ్చని కంపెనీ చెబుతోంది.

డేటా, కాలింగ్‌తో పాటు ఈ ప్లాన్‌లో కొన్ని సెక్యూరిటీ ఫీచర్లు కూడా ఉన్నాయి. స్పామ్ కాల్స్‌కు సంబంధించిన అలర్ట్‌లు, మోసపూరిత లింకులను బ్లాక్ చేసే సదుపాయాలు అందుబాటులో ఉంటాయని ఎయిర్‌టెల్ తెలిపింది. అదనంగా 30 రోజుల పాటు హలోట్యూన్స్‌ను ఉచితంగా ఉపయోగించుకునే అవకాశం కూడా ఉంది.

మొత్తంగా 28 రోజుల పాటు రోజువారీ 2జీబీ డేటా, అన్‌లిమిటెడ్ కాలింగ్, ఎస్ఎంఎస్‌లతో పాటు డిజిటల్ సబ్‌స్క్రిప్షన్, సెక్యూరిటీ ఫీచర్లు కావాలనుకునే ఎయిర్‌టెల్ వినియోగదారులకు రూ.348 ప్లాన్ ఉపయోగకరమైన ఆప్షన్‌గా నిలవనుంది.