Hyundai: హ్యుందాయ్ కార్లలో ఏది బెస్ట్? బేయాన్, వెన్యూ, క్రెటా మధ్య ఏది కొంటే మంచిది?

Hyundai: ప్రసిద్ధ వాహన తయారీ సంస్థ హ్యుందాయ్ భారతీయ మార్కెట్లోకి తన కొత్త ఎస్‌యూవీ బేయాన్‎ను రూ.9.99 లక్షల ప్రారంభ ఎక్స్-షోరూమ్ ధరతో విడుదల చేసింది. పోర్ట్‌ఫోలియో పరంగా దీనిని వెన్యూ, క్రెటా మోడళ్ల మధ్యలో రీసెంట్‌గా నిలిపారు. కొత్త డిజైన్, విశాలమైన బూట్ స్పేస్, లేటెస్ట్ ఫీచర్లతో వస్తున్న ఈ కారు మార్కెట్లో మంచి స్పందన తెచ్చుకుంటోంది. అయితే హ్యుందాయ్ షోరూమ్‌కి వెళ్లే సగటు కస్టమర్‌కి వెన్యూ కొనాలా, బేయాన్ చూడాలా లేదా క్రెటాకి వెళ్లాలా అనే సందేహం రావడం సహజం. ఈ మూడు కార్ల మధ్య ఉన్న వ్యత్యాసాలను వివరంగా తెలుసుకుందాం.

సైజ్, బూట్ స్పేస్ విషయంలో ఏది తోపు?

కొలతల విషయానికి వస్తే హ్యుందాయ్ వెన్యూ పొడవు 3,995 మిమీ, వెడల్పు 1,800 మిమీ, ఎత్తు 1,665 మిమీగా ఉంటుంది. దీని బూట్ స్పేస్ 350 లీటర్లు కాగా, గ్రౌండ్ క్లియరెన్స్ 190 మిమీ. ఇక కొత్తగా వచ్చిన బేయాన్ పొడవు 4,245 మిమీ, వెడల్పు 1,810 మిమీ, ఎత్తు 1,605 మిమీ కలిగి ఉంది. ఇందులో ఏకంగా 505 లీటర్ల భారీ బూట్ స్పేస్, 205 మిమీ గ్రౌండ్ క్లియరెన్స్ లభిస్తున్నాయి. మరోవైపు పెద్ద కారు అయిన క్రెటా పొడవు 4,330 మిమీ కాగా, బూట్ స్పేస్ 433 లీటర్లు. లగేజ్ పట్టే కెపాసిటీ, రోడ్డుపై గ్రౌండ్ క్లియరెన్స్ పరంగా బేయాన్ కార్ అందరికంటే ముందుంది.

ధరలు, బడ్జెట్ ఎంతవరకు తేడా ఉంది?

కార్ల ఎంపికలో బడ్జెట్ అత్యంత కీలకమైన అంశం. హ్యుందాయ్ వెన్యూ రూ.7.94 లక్షల నుండి ప్రారంభమై రూ.13.48 లక్షల వరకు అందుబాటులో ఉంది. తక్కువ బడ్జెట్‌లో సిటీ డ్రైవింగ్ కోసం కారు కావాలనుకునేవారికి వెన్యూ మంచి ఆప్షన్. కొత్తగా వచ్చిన బేయాన్ ప్రారంభ ధర రూ.9.99 లక్షలుగా కంపెనీ నిర్ణయించింది. ఇక ప్రీమియం సెగ్మెంట్‌లోకి వెళ్లే క్రెటా ప్రారంభ ధర రూ.11 లక్షల నుంచి మొదలై టాప్ వేరియంట్ రూ.20.15 లక్షల వరకు వేరియంట్ల ఆధారంగా మారుతుంది.

ఇంజిన్, గేర్‌బాక్స్ పెర్ఫార్మెన్స్ ఎలా ఉంది?

వెన్యూ కారులో 1.2 లీటర్ పెట్రోల్, 1.0 లీటర్ టర్బో పెట్రోల్, 1.5 లీటర్ డిజైన్ ఆప్షన్లు మల్టిపుల్ గేర్‌బాక్స్‌లతో లభిస్తాయి. కొత్త బేయాన్ కారులో ప్రస్తుతం 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్ మాత్రమే ఉంది. ఇది 115పిఎస్ పవర్, 144ఎన్ఎమ్ టార్కిని ఉత్పత్తి చేస్తుంది. ఇందులో 6-స్పీడ్ మాన్యువల్, ఐవిటి ఆటోమేటిక్ గేర్‌బాక్స్ ఉన్నాయి. క్రెటాలో కూడా ఇదే 1.5 లీటర్ పెట్రోల్ ఇంజిన్‌తో పాటు, భారీ పవర్ ఇచ్చే 160పిఎస్ టర్బో-పెట్రోల్, 1.5 లీటర్ డిసెంబర్ ఆప్షన్లు అందుబాటులో ఉన్నాయి.

అత్యాధునిక ఫీచర్లు, టెక్నాలజీ పోటీ

ఫీచర్ల వేటలో బేయాన్ అందరి దృష్టిని ఆకర్షిస్తోంది. ఇందులో రెండు 12.3 అంగుళాల స్క్రీన్లతో కూడిన కర్వ్డ్ డిస్‌ప్లే, ఆర్టిఫిషియల్ ఇంటెలిజెన్స్ వాయిస్ అసిస్టెంట్, పనోరమిక్ సన్‌రూఫ్, 8-స్పీకర్ల బోస్ సౌండ్ సిస్టమ్, లెవెల్-2 అడాస్ సెక్యూరిటీని ఇచ్చారు. క్రెటాలో కూడా రెండు 10.25 అంగుళాల స్క్రీన్లు, డ్యూయల్ జోన్ క్లైమేట్ కంట్రోల్, లెవెల్-2 అడాస్ ఫీచర్లు ఉన్నాయి. వెన్యూలో వేరియంట్‌ను బట్టి 8 లేదా 10.25 అంగుళాల టచ్‌స్క్రీన్, ఎయిర్ ప్యూరిఫైయర్, లెవెల్-1 అడాస్ భద్రత లభిస్తున్నాయి.

మీకు ఏది పర్ఫెక్ట్ మ్యాచ్ అంటే?

తక్కువ బడ్జెట్‌లో కాంపాక్ట్ సైజ్ కారు కావాలి అనుకునేవారు వెన్యూను నిరభ్యంతరంగా ఎంచుకోవచ్చు. రోడ్లపై తిరగడానికి ఎక్కువ గ్రౌండ్ క్లియరెన్స్, సుదూర ప్రయాణాలకు అతిపెద్ద బూట్ స్పేస్, అధునాతన లుక్స్ కోరుకునే వారికి బేయాన్ బెస్ట్ ఛాయిస్ అవుతుంది. పవర్‌ఫుల్ టర్బో ఇంజిన్, డిజైన్ ఆప్షన్స్, పెద్ద కారు నడుపుతున్న ఫీలింగ్ కోరుకునే వారికి క్రెటా ఎప్పటికీ తిరుగులేని మొదటి ప్రాధాన్యతగా నిలుస్తుంది.