Upcoming Cars: దీపావళికి ఆటో మార్కెట్లో కొత్త కార్ల జాతర.. రాబోతున్న 7 కొత్త కార్లు ఇవే

Upcoming Cars: పండుగ సీజన్ అనగానే ఆటోమొబైల్ రంగంలో కొత్త కార్ల లాంచ్‌లు జోరుగా సాగుతాయి. ఈ దీపావళికి మార్కెట్‌లోకి ఎంట్రీ ఇవ్వడానికి ఏడు అద్భుతమైన కొత్త కార్లు, ఫేస్‌లిఫ్ట్ మోడల్స్ సిద్ధమయ్యాయి. వీటిలో ఎస్‌యూవీలు, ఈవీలు, హ్యాచ్‌బ్యాక్‌లు వంటి పలు రకాల మోడల్స్ ఉన్నాయి. ఒకవేళ మీరు ఈ ఫెస్టివల్ సీజన్‌లో కొత్త కార్ కొనుగోలు చేయాలని భావిస్తుంటే, ఈ అప్‌డేటెడ్ మోడల్స్ కోసం కొద్ది రోజులు ఆగడం చాలా మంచిది. ప్రతి కారుకు సంబంధించి పూర్తి వివరాలు, వాటి ఫీచర్లు విడివిడిగా కింద ఇవ్వబడ్డాయి.

1. రెనాల్ట్ ట్రైబర్ టర్బో

ఫ్యామిలీ కార్ లవర్లను ఆకట్టుకునేందుకు రెనాల్ట్ కంపెనీ తమ పాపులర్ కారు ట్రైబర్‎ను త్వరలోనే సరికొత్త టర్బో పెట్రోల్ ఇంజిన్‌తో తీసుకురావడానికి సన్నాహాలు చేస్తోంది. ఈ కొత్త మోడల్‌లో 1.0-లీటర్ 3-సిలిండర్ టర్బో పెట్రోల్ ఇంజిన్ అమర్చనున్నారు. ఇది దాదాపు 100 PS పవర్, 160 Nm టార్గెట్‌ను ఉత్పత్తి చేస్తుంది. ఇదే ఇంజిన్ కైగర్ మోడల్‌లో కూడా ఉంది. ఈ ట్రైబర్ టర్బో కారులో మాన్యువల్, సీవీటీ గేర్‌బాక్స్ ఆప్షన్లు లభించే అవకాశం ఉంది.

2. మహీంద్రా థార్ ఫేస్‌లిఫ్ట్

ఆఫ్‌రోడింగ్ ప్రియుల డ్రీమ్ వెహికల్ అయిన మహీంద్రా థార్ త్వరలోనే థార్ ఫేస్‌లిఫ్ట్ రూపంలో రానుంది. ఇటీవల విడుదలైన థార్ రాక్స్ నుంచి స్ఫూర్తి పొందిన అనేక డిజైన్ ఎలిమెంట్స్, అడ్వాన్స్‌డ్ ఫీచర్లు ఇందులో ఉండనున్నాయి. ఈ కొత్త థార్‌లో ప్రస్తుతమున్న ఇంజిన్ ఆప్షన్లనే కొనసాగించే అవకాశం ఉంది. ఇందులో 1.5-లీటర్ డీజిల్, 2.0-లీటర్ టర్బో పెట్రోల్, 2.2-లీటర్ డీజిల్ ఇంజిన్లు అందుబాటులో ఉంటాయి. ముఖ్యంగా 1.5-లీటర్ డీజిల్ ఇంజిన్ సుమారు 119 bhp పవర్‌ను అందిస్తుంది.

3. హ్యుందాయ్ బేయాన్

ప్రముఖ ఆటోమొబైల్ దిగ్గజం హ్యుందాయ్ నుంచి వస్తున్న సరికొత్త మిడ్-సైజ్ ఎస్‌యూవీ హ్యుందాయ్ బేయాన్. ఆధునిక హంగులతో రూపొందుతున్న ఈ ఎస్‌యూవీలో 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌తో పాటు అదనపు ఆప్షన్‌గా సీఎన్‌జీ వేరియంట్ కూడా లభించే అవకాశం ఉంది. ఇక ట్రాన్స్‌మిషన్ పరంగా చూస్తే, ఇందులో కస్టమర్ల సౌలభ్యం కోసం మాన్యువల్, ఆటోమేటిక్ గేర్‌బాక్స్ ఆప్షన్లు రెండూ అందించబడతాయి.

4. హోండా ఎలివేట్ ఫేస్‌లిఫ్ట్

జాపనీస్ కార్ల తయారీ సంస్థ హోండా తన పాపులర్ ఎస్‌యూవీ ఎలివేట్ ఫేస్‌లిఫ్ట్ వెర్షన్‌ను 2026 అక్టోబర్‌లో మార్కెట్లోకి తీసుకురావడానికి సన్నాహాలు చేస్తోంది. ఈ కారు ఎక్స్‌టీరియర్, ఇంటీరియర్ డిజైన్లలో పలు ఆకర్షణీయమైన మార్పులు ఉండనున్నాయి. అయితే మెకానికల్ పరంగా ఇందులో ఉన్న ప్రస్తుత 1.5-లీటర్ నేచురల్లీ ఆస్పిరేటెడ్ పెట్రోల్ ఇంజిన్‌ను అలాగే కొనసాగించనున్నారు. ఇది మాన్యువల్, సీవీటీ గేర్‌బాక్స్ ఆప్షన్లతోనే కస్టమర్లకు లభించనుంది.

5. టాటా సఫారీ EV

ఈ పండుగ సీజన్‌లో ఆటోమొబైల్ మార్కెట్‌ను షేక్ చేయడానికి వస్తున్న ప్రధాన ఎలక్ట్రిక్ ఎస్‌యూవీలలో టాటా సఫారీ EV ముందుంటుంది. ఇది పూర్తిగా కంపెనీకి చెందిన అడ్వాన్స్‌డ్ 'Acti.ev+' ప్లాట్‌ఫారమ్‌పై రూపొందించబడింది. ఇందులో హారియర్ EV తరహాలోనే 65kWh, 75kWh బ్యాటరీ ప్యాక్ ఆప్షన్లు లభించే ఛాన్స్ ఉంది. ఒక్కసారి ఛార్జ్ చేస్తే ఈ కారు సుమారు 500 కిలోమీటర్లకు పైగా రేంజ్ ఇస్తుందని అంచనా వేస్తున్నారు. దీనికి ప్రత్యేకమైన క్లోజ్డ్ గ్రిల్, ఏరోడైనమిక్ అలాయ్ వీల్స్ మరియు ఎలక్ట్రిక్ వెహికల్ స్పెసిఫిక్ డిజైన్ మార్పులు ఉండనున్నాయి.

6. టయోటా గ్లాంజా ఫేస్‌లిఫ్ట్

హ్యాచ్‌బ్యాక్ లవర్స్‌ను ఎంతగానో ఆకట్టుకుంటున్న టయోటా గ్లాంజా కారుకు త్వరలోనే ఫేస్‌లిఫ్ట్ అప్‌డేట్ రానుంది. కొత్త తరం బాలెనో కారు మాదిరిగానే ఈ గ్లాంజా ఫేస్‌లిఫ్ట్‌లో కూడా సరికొత్త డిజైన్ మార్పులు మరియు లేటెస్ట్ ఫీచర్లు వస్తాయని భావిస్తున్నారు. ఇందులో కొత్త 1.2-లీటర్ 3-సిలిండర్ నేచురల్లీ ఆస్పిరేటెడ్ పెట్రోల్ ఇంజిన్ ఇచ్చే అవకాశం ఉంది. ఇది సుమారు 81 bhp పవర్‌ను, 112 Nm టార్గెట్‌ను ఉత్పత్తి చేసే సామర్థ్యాన్ని కలిగి ఉంటుంది.

7. మారుతి సుజుకి వాగన్ఆర్ ఫేస్‌లిఫ్ట్

భారతీయ మధ్యతరగతి కుటుంబాల ఫేవరెట్ కార్లలో ఒకటైన 'మారుతి వాగన్ఆర్' త్వరలోనే కొత్త రూపంలో రాబోతోంది. మార్ుతి సుజుకి సంస్థ ఈ పాపులర్ హ్యాచ్‌బ్యాక్‌కు ఫేస్‌లిఫ్ట్ వెర్షన్‌ను తీసుకురానుంది. ఈ కొత్త వాగన్ఆర్ మోడల్‌లో సరికొత్త 1.2-లీటర్ 3-సిలిండర్ నేచురల్లీ ఆస్పిరేటెడ్ పెట్రోల్ ఇంజిన్‌ను అమర్చే అవకాశం ఉంది. అంతేకాకుండా, కారు లోపల, బయట డిజైన్‌లో కొన్ని ఆకర్షణీయమైన చిన్నపాటి మార్పులు చేసి మరింత స్టైలిష్‌గా తీర్చిదిద్దనున్నారు.