MP Avinash Reddy: వైసీపీ ఎంపీ అవినాష్‌రెడ్డికి పోలీసుల షాక్‌.. ఇంటికెళ్లి నోటీసులు

MP Avinash Reddy: వైఎస్‌ఆర్‌ కడప జిల్లా పులివెందుల నియోజకవర్గ పరిధిలో గ్రామ పంచాయతీ ఎన్నికల నామినేషన్ల సందర్భంగా వైకాపా ఎంపీ వైఎస్‌ అవినాష్‌రెడ్డికి స్థానిక పోలీసులు నోటీసులు జారీ చేశారు.

Arun Chilukuri
Published on: 18 Nov 2026 10:52 AM IST
MP Avinash Reddy
X

MP Avinash Reddy: వైసీపీ ఎంపీ అవినాష్‌రెడ్డికి పోలీసుల షాక్‌.. ఇంటికెళ్లి నోటీసులు

MP Avinash Reddy: వైఎస్‌ఆర్‌ కడప జిల్లా పులివెందుల నియోజకవర్గ పరిధిలో గ్రామ పంచాయతీ ఎన్నికల నామినేషన్ల ప్రక్రియ నేపథ్యంలో స్థానిక పోలీసులు అప్రమత్తమయ్యారు. శాంతిభద్రతల పరిరక్షణలో భాగంగా వైఎస్సార్‌సీపీ ఎంపీ వైఎస్‌ అవినాష్‌రెడ్డి కి పులివెందుల పోలీసులు నోటీసులు జారీ చేశారు.

పులివెందుల నియోజకవర్గ పరిధిలో గ్రామ పంచాయతీ ఎన్నికల నామినేషన్ల సందర్భంగా ఎలాంటి అవాంఛనీయ సంఘటనలు, ఉద్రిక్తతలు చోటుచేసుకోకుండా ముందస్తు జాగ్రత్త చర్యల్లో భాగంగా ఈ నోటీసులు ఇచ్చినట్లు పోలీసులు పేర్కొన్నారు. స్థానిక పోలీసు సిబ్బంది నేరుగా వైఎస్‌ అవినాష్‌రెడ్డి నివాసానికి వెళ్లి ఈ నోటీసులను అందజేశారు.

నేరుగా నోటీసులు ఇవ్వడంతో పాటు, అధికారిక సమాచార నిమిత్తం ఆయనకు వాట్సప్‌లోనూ నోటీసు కాపీని పంపించారు. పంచాయతీ ఎన్నికల నామినేషన్ల ప్రక్రియ ప్రశాంతంగా జరిగేలా నియోజకవర్గంలో పోలీసులు భద్రతను కట్టుదిట్టం చేశారు.

Arun Chilukuri

Arun Chilukuri

వెబ్ జర్నలిస్ట్ గా నా కెరీర్ HMTV ద్వారా పదేళ్ల క్రితం ప్రారంభం అయింది. పదేళ్లుగా HMTV లోనే వెబ్సైట్ కు ఆర్టికల్స్ రాస్తున్నాను. దాదాపుగా అన్ని కేటగిరీల్లోనూ ముఖ్యంగా తెలంగాణ, ఆంధ్రప్రదేశ్ రాష్ట్రాల వార్తలతో పాటు వివిధ కేటగిరీల్లో అవసరాన్ని బట్టి ఆర్టికల్స్, బ్రేకింగ్ న్యూస్ ను ఇవ్వడం చేస్తున్నాను.