Alluri District: అల్లూరి జిల్లాలో ఘోర ప్రమాదం.. బ్లాస్టింగ్ మిస్‌ఫైర్‌తో ఐదుగురు మృతి!

Alluri District Accident: అల్లూరి జిల్లాలో సంభవించిన ఒక ఘోర ప్రమాదం స్థానికంగా తీవ్ర విషాదాన్ని నింపింది. అనంతగిరి మండలం పినకోట ప్రాంతంలో రోడ్డు విస్తరణ నిర్మాణం కోసం చేపట్టిన బ్లాస్టింగ్ పనులు వికటించడంతో భారీ పేలుడు సంభవించింది. ఈ ప్రమాలంలో ఐదుగురు వ్యక్తులు అక్కడికక్కడే ప్రాణాలు కోల్పోగా, పలు వాహనాలు ధ్వంసమయ్యాయి.

ప్రమాదం ఎలా జరిగిందంటే?

పినకోట వద్ద రోడ్డు పనుల నిమిత్తం రాళ్లను పగలగొట్టేందుకు అధికారులు/నిర్వాహకులు జిలెటిన్ స్టిక్స్‌ను ఉపయోగించి బ్లాస్టింగ్ చేపట్టేందుకు ఏర్పాట్లు చేశారు. అయితే, పేలుడు నిర్వహించే సమయంలో సాంకేతిక లోపం తలెత్తి పరికరం మిస్‌ఫైర్ కావడంతో ఒక్కసారిగా భారీ పేలుడు సంభవించింది. ఈ ప్రమాద తీవ్రతకు అక్కడే ఉన్న రెండు వాహనాలు పూర్తిగా ధ్వంసమయ్యాయి.

ఈ దుర్ఘటనలో డ్రైవర్‌తో పాటు ముగ్గురు కార్మికులు మృతి చెందగా.. అదే సమయంలో ఆ మార్గంలో ప్రయాణిస్తున్న ఒక ఉపాధ్యాయురాలు (టీచర్) కూడా ఈ పేలుడు ధాటికి బలవడం అత్యంత విచారకరం.

ఈ ప్రమాదంలో ప్రాణాలు కోల్పోయిన వారిని విశాఖపట్నానికి చెందిన టీచర్ సునీత, దేవరాపల్లికి చెందిన మణి, చీడకాడకు చెందిన నారాయణ రావు, కడప ప్రాంతానికి చెందిన పవన్‌ కుమార్‌లుగా గుర్తించారు. మరొకరి వివరాలు ఇంకా తెలియాల్సి ఉంది. సమాచారం అందుకున్న వెంటనే పోలీసులు, రెవెన్యూ అధికారులు ఘటనాస్థలికి చేరుకుని సహాయక చర్యలు చేపట్టారు. ప్రమాదానికి సంబంధించిన పూర్తి వివరాలపై దర్యాప్తు జరుపుతున్నారు.