Kothacheruvu: కొత్తచెరువులో జెడ్పీటీసీ నామినేషన్ల పరిశీలనను తనిఖీ చేసిన కలెక్టర్, జేసీ!

Kothacheruvu: కొత్తచెరువు, శ్రీ సత్యసాయి జిల్లా కొత్తచెరువు జెడ్పీ కార్యాలయంలో స్థానిక సంస్థల ఎన్నికల ప్రక్రియలో భాగంగా శనివారం నిర్వహించిన జెడ్పీటిసి నామినేషన్ల పరిశీలన (Scrutiny) కార్యక్రమాన్ని కలెక్టర్ ఎ. శ్యామ్ ప్రసాద్ అకస్మాత్తుగా సందర్శించి ప్రత్యక్షంగా పరిశీలించారు.

నామినేషన్ పత్రాల పరిశీలన ప్రక్రియలో రాష్ట్ర ఎన్నికల సంఘం (SEC) జారీ చేసిన నియమ నిబంధనలను అక్షరాలా పాటించాలని రిటర్నింగ్ అధికారులను (RO / ARO) కలెక్టర్ ఆదేశించారు. అభ్యర్థులు సమర్పించిన అఫిడవిట్లు, ఓటరు జాబితా వివరాలు, డిపాజిట్ రసీదులు, రిజర్వేషన్ ధృవీకరణ పత్రాలను క్షుణ్ణంగా తనిఖీ చేయాలని సూచించారు.

ఏ చిన్న పొరపాటైనా నిబంధనల పరిధిలోనే పరిష్కరించాలని, ప్రక్రియ పూర్తి పారదర్శకంగా జరగాలని కలెక్టర్ స్పష్టం చేశారు. నామినేషన్ల పరిశీలన సందర్భంగా ఎలాంటి శాంతిభద్రతల సమస్యలు తలెత్తకుండా తగిన పోలీస్ బందోబస్తు ఏర్పాటు చేయాలని స్థానిక అధికారులకు మార్గదర్శకాలు జారీ చేశారు. పరిశీలన సమయానికి హాజరైన పోటీ అభ్యర్థులు మరియు వారి ఏజెంట్లతో కలెక్టర్ మాట్లాడి, ప్రక్రియపై సలహాలు, సూచనలు అందించారు.