Gudihathnoor: సేవా సంకల్ప అభియాన్లో విద్యార్థులకు బహుమతుల ప్రదానం!
Gudihathnoor: గుడిహత్నూర్లో సేవా సంకల్ప అభియాన్ విద్యార్థులకు చిత్రలేఖనం, వ్యాసరచన పోటీలు విజేతలకు బహుమతులు అందజేసిన ఎంపీ గోడం నగేష్, బీజేపీ జిల్లా అధ్యక్షుడు బ్రహ్మానంద్.
Gudihathnoor: సేవా సంకల్ప అభియాన్లో విద్యార్థులకు బహుమతుల ప్రదానం!
గుడిహత్నూర్: ప్రధానమంత్రి నరేంద్ర మోదీ జన్మదినం సందర్భంగా చేపట్టిన ‘సేవా సంకల్ప అభియాన్’లో భాగంగా మండల కేంద్రంలోని ప్రాథమిక పాఠశాలలో విద్యార్థులకు చిత్రలేఖనం, వ్యాసరచన పోటీలు నిర్వహించారు. ఈ పోటీల్లో ప్రతిభ కనబరిచిన విజేతలకు ఎంపీ గోడం నగేష్, జిల్లా బీజేపీ అధ్యక్షుడు పతంగే బ్రహ్మానంద్ హాజరై బహుమతులు అందజేశారు.
ఈ సందర్భంగా ఎంపీ మాట్లాడుతూ.. విద్యార్థుల్లో దాగివున్న సృజనాత్మకతను వెలికితీసేందుకు ఇలాంటి పోటీలు ఎంతగానో ఉపయోగపడతాయన్నారు. విద్యార్థులు చిన్న వయసు నుంచే చెడు వ్యసనాలకు దూరంగా ఉంటూ, చదువుపై దృష్టి సారించి ఉన్నత స్థాయికి ఎదగాలని పిలుపునిచ్చారు.
అనంతరం ఎంపీతో పాటు బీజేపీ జిల్లా అధ్యక్షుడిని పాఠశాల సిబ్బంది ఘనంగా సన్మానించారు. ఈ కార్యక్రమంలో మండల విద్యాధికారి గోపాల్ సింగ్, పాఠశాల ఉపాధ్యాయులు, బీజేపీ నాయకులు, విద్యార్థులు పాల్గొన్నారు.
