Nirmal: సైబర్ నేరాలు, పెండింగ్ కేసుల త్వరిత పరిష్కారంపై నిర్మల్ ఎస్పీ జానకి షర్మిల సమీక్ష!

Nirmal: నిర్మల్ జిల్లా పోలీస్ కార్యాలయం నుంచి జిల్లా ఎస్పీ జానకి షర్మిల అన్ని పోలీస్ స్టేషన్ల ఎస్‌హెచ్‌ఓలు, సైబర్ వారియర్స్‌తో జూమ్ వీడియో కాన్ఫరెన్స్ నిర్వహించారు. ఈ సందర్భంగా సైబర్ నేరాలకు సంబంధించిన పెండింగ్ కేసుల పరిష్కారంపై సమీక్షించారు.

ఈ సందర్భంగా ఎస్పీ మాట్లాడుతూ సైబర్ నేరాలకు సంబంధించిన కేసులను త్వరగా దర్యాప్తు చేసి పరిష్కరించాలని ఆదేశించారు. ప్రతి కేసు పురోగతిని ఎప్పటికప్పుడు పరిశీలిస్తూ బాధితులకు త్వరగా న్యాయం జరిగేలా చూడాలన్నారు. అదేవిధంగా E-Petty కేసులను ఎప్పటికప్పుడు పరిష్కరించాలని, ఏ కేసును కూడా అనవసరంగా పెండింగ్‌లో ఉంచవద్దని ఎస్‌హెచ్‌ఓలకు సూచించారు.

అలాగే డ్రంక్ అండ్ డ్రైవ్ కేసులకు సంబంధించిన డీడీలను కూడా ఎప్పటికప్పుడు పరిష్కరించాలని, ఈ విషయంలో ఎలాంటి జాప్యం చేయవద్దని ఆదేశించారు. పెండింగ్‌లో ఉన్న అన్ని కేసుల పరిష్కారానికి అధికారులు ప్రత్యేక శ్రద్ధ తీసుకోవాలని స్పష్టం చేశారు.

ఈ వీడియో కాన్ఫరెన్స్‌లో అడిషనల్ ఎస్పీ (అడ్మిన్) ఉపేందర్ రెడ్డి, సీఐలు కృష్ణ, మల్లేష్, ఎస్సైలు లింబాద్రి, అశోక్, ముత్యం, మహిళా ఎస్సై శ్రావణితో పాటు డీసీఆర్‌బీ, ఐటీ కోర్, సైబర్ క్రైమ్ సిబ్బంది పాల్గొన్నారు.