Kadem: ఖానాపూర్‌లో విద్యార్థులకు ఉచిత క్రియా యోగా శిక్షణ
Kadem: నిర్మల్ జిల్లా ఖానాపూర్‌ విజేత హైస్కూల్ విద్యార్థులకు నవాబ్‌పేట్‌ సత్యం యోగాశ్రమంలో డాక్టర్ సత్యం స్వామీజీ ఉచిత క్రియా యోగా శిక్షణ ఇచ్చారు.
Kadem: ఖానాపూర్‌లో విద్యార్థులకు ఉచిత క్రియా యోగా శిక్షణ
నిర్మల్ జిల్లా: కడెం మండలం నవాబ్‌పేట్‌లోని సత్యం ట్రెడిషనల్ మెడిసినల్ ట్రీట్మెంట్ యోగాశ్రమం ఆధ్వర్యంలో ఖానాపూర్‌కు చెందిన విజేత హైస్కూల్ విద్యార్థులకు ఈ శిక్షణ ఇచ్చారు. డాక్టర్ సత్యం స్వామీజీ విద్యార్థులకు యోగా నేర్పించడంతో పాటు ఆయుర్వేదం, పర్యావరణ పరిరక్షణపై ప్రత్యేక అవగాహన కల్పించారు.
విద్యార్థుల్లో శారీరక, మానసిక దృఢత్వాన్ని పెంపొందించేందుకు యోగా ఎంతో దోహదపడుతుందని డాక్టర్ సత్యం స్వామీజీ అన్నారు. ఉచితంగా విద్యార్థులకు క్రియా యోగా ప్రాముఖ్యతను వివరిస్తూ, స్వయంగా వారితో ప్రాక్టీస్ చేయించారు. ప్రతిరోజూ యోగా చేయడం ద్వారా ఆరోగ్యాన్ని ఎలా మెరుగుపరుచుకోవచ్చో వివరించారు. భారతీయ సాంప్రదాయ ఆయుర్వేద వైద్య విధానాల గురించి అవగాహన కల్పించారు. యోగా, ఆయుర్వేదంపై విద్యార్థులకు ఉన్న పలు సందేహాలను స్వామీజీ ఓపికగా నివృత్తి చేశారు.
అనంతరం విద్యార్థులు యోగాశ్రమ ప్రాంగణంలోని ప్రకృతి అందాలను ఆస్వాదించారు. ఆశ్రమంలో విరిసి ఉన్న పచ్చని చెట్లను సందర్శించారు. ముఖ్యంగా మియాజాకి మామిడి, ప్యాషన్ ఫ్రూట్, నోని, అవకాడో లాంటి ఎన్నో అరుదైన పండ్ల మొక్కలను ఆసక్తిగా వీక్షించారు. వివిధ రకాల పండ్ల మొక్కల విశేషాలను తెలుసుకుంటూ పర్యావరణ పరిరక్షణపై చైతన్యం పెంపొందించుకున్నారు.
