ల్యాప్‌టాప్‌లో కన్నకూతురి నగ్న చిత్రాలు.. ఓ ప్రబుద్ధుడి నిర్వాకం !

Hyderabad: హైదరాబాద్‌ నగరంలోని నాచారం పోలీస్ స్టేషన్ పరిధిలో దారుణం చోటు చేసుకుంది. కూతురి పట్ల బాధ్యతగా ఉండాల్సిన ఓ తండ్రి ఆమెపట్ల దారుణంగా ప్రవర్తించాడు. కూతురికి తెలియకుండా ఆమెకు సంబంధించిన అభ్యంతకర చిత్రాలను ఆ తండ్రి తన లాప్‌టాప్‌లో బంధించాడు. తండ్రి ల్యాప్ టాప్‌లో ఫోటోలు చూసిన కూతురు తీవ్రంగా కృంగిపోయింది. పోలీసులకు ఫిర్యాదు చేసింది. నాచారం ప్రాంతంలో రెస్టారెంట్‌ ఓనర్‌గా పని చేస్తున్న నిందితుడు మొదటి భార్య చనిపోవడంతో రెండో వివాహం చేసుకున్నాడు.

ఈ క్రమంలో నిందితుడు తన భార్యకు తెలియకుండా కుమార్తె అభ్యంతరకర ఫోటోలను తీసి తన ల్యాప్‌టాప్‌లో సేవ్‌ చేసుకున్నాడు. ఓ రోజు బాధితురాలు ల్యాప్‌టాప్‌ తీసి చూడగా తండ్రి బాగోతం బయటపడింది. కన్నతండ్రి ల్యాప్‌టాప్‌లో తన అభ్యంతరకర ఫోటోలు చూసి ఆమె తల్లడిల్లిపోయింది. దీని గురించి బాధితురాలు తల్లికి తెలిపింది. అనంతరం నాచారం పోలీస్‌ స్టేషన్‌కు వెళ్లి తండ్రి మీద ఫిర్యాదు చేసింది. నిందితుడిని మొదట అరెస్ట్ చేసిన పోలీసులు కరోనా సోకడంతో మందలించారు. ఆపై కరోనా తగ్గటంతో నాచారం పోలీసులు మళ్లీ అరెస్ట్ చేశారు. నిందితుడిపై పోలీసులు ఫోక్సో చట్టం కింద కేసు నమోదు చేశారు.