Fire Accident: హైదరాబాద్‌లో అగ్నిప్రమాదం.. ఒకరు మృతి

Fire Accident: హైదరాబాద్ నగరంలోని నారాయణగూడ అవంతి నగర్‌లో ఓ ఇంట్లో అగ్నిప్రమాదం సంభవించింది. ఈ సంఘటనలో ఒకరు మృతి చెందారు. అవంతి నగర్ లో తెల్లవారుజామున ఓ ఇంట్లో షాట్ సర్క్యూట్ రావడంతో భారీ అగ్నిప్రమాదం సంభవించింది. నిద్రిస్తున్న వేల ఈ సంఘటన జరగడంతో ఐదుగురు కుటుంబ సభ్యులు మంటల్లో చిక్కుకు పోయారు. మంటల్ని గుర్తించిన స్థానికులు వెంటనే పోలీసులకు సమాచారం అందించారు.

స్థానికులు చూసి 100కి కాల్ చేయగా నారాయణగూడ పోలీసులు , అగ్నిమాపక సిబ్బంది ఘటనాస్థలానికి చేరుకుని మంటలు ఆర్పివేశారు. ఈ ప్రమాదంలో ఊపిరాడక గౌరీనాథ్‌ అనే వ్యక్తి మృతి చెందగా మరో ఐదుగురిని పోలీసులు రక్షించారు. షార్ట్ సర్క్యుట్‌తో అగ్నిప్రమాదం జరిగినట్లు అనుమానాలు వ్యక్తం అవుతున్నాయి. విషయం తెలిసిన వెంటనే అగ్నిమాపక సిబ్బంది అక్కడకు చేరుకుని మంటలను అదుపు చేశారు.