బంతి దెబ్బకు.. అంపైర్ మృతి!

క్రికెట్ బాల్ తలకు గట్టిగా తాకడంతో నెలరోజుల నుంచి ఆసుపత్రిలో ఉన్న ఓ అంపైర్ మృతి చెందిన సంఘటన గురువారం ఇంగ్లాండ్ లో చోటు చేసుకుంది. ఇంగ్లాండ్‌ కౌంటీ క్రికెట్‌లో భాగంగా జులై 13న పెమ్‌బ్రోక్‌షైర్‌ X నార్‌బెత్‌ జట్ల మధ్య కౌంటీ క్రికెట్‌ జరిగింది. ఆ మ్యాచ్‌కు అంపైర్‌గా వ్యవహరించిన జాన్‌ విలియమ్స్‌(80) తలకు బంతి తగలడంతో తీవ్ర గాయమైంది.

ఆయనను వెంటనే ఆసుపత్రికి చేర్చారు. బంతి బలంగా తాకడంతో ఆ అంపైర్ కోమాలోకి వెళ్ళిపోయారు. అనంతరం మెరుగైన చికిత్స కోసం హావర్‌ఫోర్డ్‌వెస్ట్‌లోని మరో ఆస్పత్రికి తరలించారు. ఇక్కడ చికిత్స పొందుతూ కన్నుమూశాడు. పెమ్‌బ్రోక్‌షైర్‌ క్రికెట్‌ క్లబ్‌ గురువారం ఈ విషయాన్ని ట్విటర్‌ ద్వారా తెలిపింది. 'అంపైర్‌ జాన్‌ విలియమ్స్‌ గురించి చేదు వార్త వినాల్సివచ్చింది. ఈ ఉదయం ఆయన ఆస్పత్రిలో మృతిచెందారు. పెమ్‌బ్రోక్‌షైర్‌ క్రికెట్‌ తరఫున సంతాపం తెలుపుతున్నాం' అంటూ ట్వీట్‌ చేసింది.

So very sad to hear the news today about John Williams. Rest in peace.
Our thoughts are with all the family and his many friends at this time. https://t.co/9AYi8WG8Yk

— CC Hendygwyn (@CCHendygwyn) August 15, 2019