వెస్టిండీస్ తో రెండో వన్డే: రెండో వికెట్ కోల్పోయిన ఇండియా.. రోహిత్ శర్మ అవుట్!

టీమిండియా వెస్టిండీస్ టూర్ లో భాగంగా జరుగుతున్న వన్డే సిరీస్ లో రెండో వన్డే ఈరోజు జరుగుతోంది. టాస్‌ గెలిచిన టీమిండియా బ్యాటింగ్‌ ఎంచుకుంది. మొదటి వన్డే వర్షార్పణం అయిన నేపథ్యంలో ఈ మ్యాచ్‌లో విజయం సాధించి సిరీస్‌లో ఆధిక్యంలో నిలవాలని ఇరు జట్లు పట్టుదలతో ఉన్నాయి.

భారత్‌ రెండో వికెట్‌ కోల్పోయింది. రోస్టన్‌ చేజ్‌ బౌలింగ్‌లో రోహిత్‌ (18) షాట్‌కు యత్నించి పూరన్‌ చేతికి చిక్కాడు. క్రీజులోకి పంత్‌ వచ్చాడు. ప్రతి ఓవర్ లోనూ ఓ బౌండరీ బాదుతూ పంత్ దూకుడుగా ఆడుతున్నాడు. మరోవైపు కెప్టెన్ కోహ్లీ నిలకడగా ఆడుతున్నాడు. మొత్తమ్మీద 20 ఓవర్లకు భారత్ 94/2 పరుగుల స్కోరు సాధించింది. కోహ్లీ 53 పరుగులతోనూ, పంత్ 17 పరుగులతోనూ క్రీజులో ఉన్నారు.