వేములవాడ: ప్రసిద్ధ పుణ్యక్షేత్రమైన వేములవాడ శ్రీ రాజరాజేశ్వర స్వామివారి ఆలయంలో నరకచతుర్దశి (దీపావళి) పర్వదినాన్ని పురస్కరించుకుని ఆదివారం రోజున ప్రత్యేక పూజలు అత్యంత వైభవంగా నిర్వహించారు.

రాజాం: ఉమ్మడి శ్రీకాకుళం జిల్లా రాజాంలో భారీ అగ్ని ప్రమాదం చోటుచేసుకుంది. దీపావళి వేడుకల సందర్భంగా కాల్చిన బాణసంచా నిప్పురవ్వలు ఆటోమొబైల్ షాపులో పడటంతో ఒక్కసారిగా మంటలు చెలరేగాయి.

ఉప్పునుంతల మండలం వెల్దూరు గ్రామ శివారులోని డిండి చెక్ డ్యామ్ వద్ద పేకాట స్థావరంపై ఎస్సై పుట్ట మహేష్ గౌడ్ అర్ధరాత్రి మెరుపుదాడి చేశారు. ఆరుగురిని అరెస్ట్ చేయగా, మరో ఆరుగురు పరారయ్యారు. నిందితుల నుంచి రూ.60,430 నగదు, 6 ఫోన్లు, 4 బైకులు సీజ్ చేశారు. గేమింగ్ యాక్ట్ కింద కేసు నమోదు చేసి గాలింపు చేపట్టారు.

పాల్వంచ: పాల్వంచ మండలం పునుకుల గ్రామ శివారులో డబ్బులు పందెంగా పెట్టి పేకాట ఆడుతున్నారనే సమాచారంతో పాల్వంచ రూరల్ పోలీసులు శనివారం మధ్యాహ్నం 3 గంటల సమయంలో పేకాట స్థావరంపై దాడి నిర్వహించారు. ఈ దాడిలో పేకాట ఆడుతున్న పునుకుల గ్రామానికి చెందిన బొర్రా ప్రసాద్ (36), పొదెం వెంకటేశ్వర్లు (45) లను సంఘటనా స్థలంలోనే పట్టుకున్నారు.

శ్రీశైలం: శ్రీశైలం ఎమ్మెల్యే శ్రీ బుడ్డా రాజశేఖర్ రెడ్డి ప్రత్యేక చొరవతో సున్నిపెంట గ్రామ ప్రజల చిరకాల ఆకాంక్ష నెరవేరబోతుంది. సున్నిపెంటలో మొదటిసారి పంచాయతీ ఎన్నికలు జరగబోతున్నందుకు గ్రామ ప్రజలు ఎమ్మెల్యే నీ సున్నిపెంటను గ్రామపంచాయతీగా ప్రకటించడంలో చూపిన ప్రత్యేక చొరవను కొనియాడుతున్నారు. డ్యామ్ కట్టిన రోజు నుంచి ఈరోజు వరకు సున్నిపెంట గ్రామ ప్రజలందరూ కుల మతాలకతీతంగా కలిసిమెలిసి జీవిస్తున్నారు.

పటాన్‌చెరు నియోజకవర్గం చిట్కుల్‌లో లబ్ధిదారు గౌండ్ల నాగమణి నూతన ఇందిరమ్మ ఇంట్లో 'మా ఇందిరమ్మ ఇంట్లో దీపావళి' వేడుకలు ఘనంగా జరిగాయి. మెదక్ పార్లమెంట్ కాంగ్రెస్ ఇన్‌చార్జ్ నీలం మధు ముదిరాజ్ కుటుంబంతో కలిసి దీపాలు వెలిగించి, బట్టలు అందజేశారు. కమిషనర్ వెంకట కిషన్, కౌన్సిలర్లు, కాంగ్రెస్ నాయకులు పాల్గొన్నారు.

భీమిలి: మాజీ మంత్రి, భీమిలి ఎమ్మెల్యే గంటా శ్రీనివాసరావు దీపావళి పండుగను ఎంవీపీ కాలనీలోని స్వగృహంలో కుటుంబంతో కలిసి ఈరోజు ఘనంగా జరుపుకున్నారు. చెడుపై మంచి సాధించిన విజయానికి ప్రతీక దీపావళి.

మక్తల్: మక్తల్ పట్టణంలోని ఎనిమిదో వార్డు బాబు జగ్జీవన్ రావు కాలనీలో సత్తెమ్మ–విష్ణు దంపతుల నూతన ఇందిరమ్మ ఇంటిని రాష్ట్ర క్రీడా , పాడి పరిశ్రమ అభివృద్ధి, పశుసంవర్ధక, మత్స్య,యువజన సర్వీసుల శాఖ మంత్రి వాకిటి శ్రీహరి ప్రారంభించారు. అనంతరం వారి కుటుంబ సభ్యులతో కలిసి దీపావళి వేడుకల్లో పాల్గొని పండుగ శుభాకాంక్షలు తెలిపారు.

ఖమ్మం: దీపావళి పండుగ సందర్భంగా ఇందిరమ్మ ఇళ్ల పథకం ద్వారా సొంతింటి కల నెరవేరిన లబ్ధిదారుల కుటుంబాల ఇళ్లకు వెళ్లి, వారితో కలిసి దీపావళి పండుగను ఆనందోత్సాహాలతో జరుపుకున్న ఖమ్మం అర్బన్ డీసీసీ అధ్యక్షుడు నాగండ్ల దీపక్ చౌదరి గారు జిల్లా గ్రంథాలయ సంస్థ చైర్మన్ మహమ్మద్ ఖాదర్ బాబా గారు.

మధిర: అర్హులైన ప్రతి పేద కుటుంబానికి ఇందిరమ్మ ఇల్లు మంజూరు చేస్తామని రాష్ట్ర ఉప ముఖ్యమంత్రి భట్టి విక్రమార్క అన్నారు. ఆదివారం మధిర నియోజకవర్గ పరిధిలోని వివిధ గ్రామాల్లో నిర్వహించిన ‘మా ఇందిరమ్మ ఇంట్లో దీపావళి’ సంబరాల్లో ఉప ముఖ్యమంత్రి భట్టి విక్రమార్క జిల్లా కలెక్టర్ దివాకర టిఎస్ తో కలిసి పాల్గొన్నారు.

కరీంనగర్ కార్ఖానా గడ్డ వైకుంఠధామంలో పూర్వీకుల స్మారకార్థం స్థానికులు వినూత్నంగా దీపావళి జరుపుకున్నారు. సమాధులను ముగ్గులు, పూలతో అలంకరించి, ఇష్టమైన నైవేద్యాలు సమర్పించి ప్రమిదలతో దీపాలు వెలిగించారు. బాణసంచా కాలుస్తూ గత 60 ఏళ్లుగా కొనసాగుతున్న ఈ సంప్రదాయంలో కుటుంబ సమేతంగా పాల్గొని పెద్దల ఆశీస్సులు అందుకున్నారు.

సిద్దిపేట: సిద్దిపేట జిల్లా అక్బర్‌పేట భూంపల్లి మండలం తాళ్లపల్లి గ్రామంలో ఇందిరమ్మ ఇళ్ల లబ్ధిదారుల మధ్య దీపావళి పండుగ సంబరాలు ఆనందోత్సాహాల మధ్య నిర్వహించారు.ఈ వేడుకల్లో దుబ్బాక బ్లాక్ కాంగ్రెస్ అధ్యక్షులు పాతూరి వెంకటస్వామి గౌడ్, గ్రామ సర్పంచ్ నీల ప్రభాకర్, గ్రామపంచాయతీ పాలకవర్గం, కాంగ్రెస్ పార్టీ నాయకులు పాల్గొని లబ్ధిదారులతో కలిసి దీపావళి వేడుకలను జరుపుకున్నారు.