Naa Saami Ranga: కింగ్ నాగ్ ఈజ్ బ్యాక్.. మాస్ లుక్‌తో ‘నా సామిరంగ’ గ్లింప్స్ అదుర్స్..!

Naa Saami Ranga: కింగ్ నాగార్జున ఏడాది నుంచి సినిమాలకు దూరంగా ఉన్నాడు. ఇప్పుడు మాస్ బ్లాస్ట్‌తో మళ్లీ తెరపైకి వచ్చాడు. ఈరోజు ఆయన పుట్టినరోజు సందర్భంగా కొత్త సినిమా గురించి ప్రకటన చేయడంతో ఫ్యాన్స్‌కు శుభవార్తను అందించాడు. కొరియోగ్రాఫర్ విజయ్ బిన్ని దర్శకుడిగా పరిచయం అవుతున్న 'నా సామిరంగా' సినిమా మాస్ జాతరగా రానుందంట. ఈ సినిమాకు నిర్మాతగా శ్రీనివాస చిట్టూరి వ్యవహరిస్తున్నారు.

ఈ మేరకు మేకర్స్ నేడు ఫస్ట్ లుక్ పోస్టర్ ద్వారా ఈ సినిమాకు సంబంధించిన అప్‌డేట్ అందించారు. నా సామి రంగా అక్కినేని నాగేశ్వరరావు నటించిన 'సిపాయి చిన్నయ్య'లోని ప్రముఖ పాటలోని లైన్‌ తీసుకున్నారు. ఈ సినిమాలో నాగార్జున స్పోర్ట్స్ మాస్ లుక్‌లో అదరగొట్టాడు. ఫస్ట్ లుక్ పోస్టర్‌లో బీడీ తాగుతూ, జట్టుంతా చిందరవందరగా ఉన్నట్లు చూడొచ్చు.

పలాస ఫేమ్ కరుణ కుమార్ నేతృత్వంలోని రౌడీల బ్యాచ్ నాగర్జునను చంపడానికి ప్లాన్ చేస్తుంటారు. ఈ క్రమంలో కింగ్‌ నాగార్జున ఎంట్రీ ఇస్తాడు. ఆయన పేరు వినగానే రౌడీలకు చెమటలు పడుతుంటాయి. ఆ తర్వాత ఇక చెప్పేదేముంది రౌడీలను తక్కుగా దంచేస్తాడు నాగార్జున. బ్యాక్‌గ్రౌండ్ స్కోర్ కూడా అదిరిపోయేలా ఉంది. ఈ పండక్కి నా సామిరంగా అంటే లాస్ట్ డైలాగ్‌తో టీజర్ క్లోజ్ అవుతుంది.

నాగార్జున కోసం ఎన్నో చార్ట్‌బస్టర్ ఆల్బమ్‌లను అందించిన ఆస్కార్ అవార్డ్ మ్యూజిక్ కంపోజర్ ఎంఎం కీరవాణి ఈ చిత్రానికి సంగీతం అందించనున్నారు. ప్రముఖ రచయిత ప్రసన్నకుమార్ బెజవాడ ఈ చిత్రానికి కథ, మాటలు అందించారు. నా సామి రంగ 2024 సంక్రాంతికి థియేట్రికల్ రిలీజ్ అవుతుంది.