Live Updates:ఈరోజు (జూలై-20) ఆంధ్రప్రదేశ్-తెలంగాణా బ్రేకింగ్ న్యూస్!

రేపు అమూల్‌తో సీఎం అవగాహన ఒప్పందం

అమరావతి: అమూల్‌ తో అవగాహన ఒప్పందం నేపధ్యంలో క్యాంపు కార్యాలయంలో అధికారులతో సీఎం వైయస్‌.జగన్‌ సమీక్ష

- అవగాహన ఒప్పందంలోని అంశాలను సీఎం వైయస్‌.జగన్‌కు వివరించిన అధికారులు

- రాష్ట్ర పాడిపరిశ్రమ అభివృద్ధి రంగంలో కీలకపాత్ర పోషించనుందన్న అధికారులు

- రాష్ట్రంలో మహిళా పాడి రైతులను ఆర్ధికంగా, సామాజికంగా పైకి తీసుకురావడంలో ఈ ఒప్పందం ఉపయోగపడుతుందన్న ముఖ్యమంత్రి.

- మహిళల సాధికారతకూ తోడ్పాటునందిస్తుందని వెల్లడి

- మొత్తంగా డెయిరీ కార్యకలాపాల్లో కీలక అడుగు ముందుకు పడనుందన్న సీఎం

- పాడి రైతులకు మంచి ధర దక్కడమే కాకుండా వినియోగదారులకు సరసమైన ధరలకి, నాణ్యమైన పాలఉత్పత్తులు అందుబాటులోకి వస్తాయన్న సీఎం

- ప్రపంచపు అత్యుత్తమ టెక్నాలజీ, విస్తృతమైన మార్కెటింగ్‌ అవకాశాలు అందుబాటులోకి వస్తాయని, రాష్ట్రంలో పాడిపరిశ్రమ రంగాన్ని గొప్పగా తీర్చిదిద్దుతుందని ఆశాభావం వ్యక్తం చేసిన సీఎం

- వైయస్సార్‌ చేయూత, ఆసరా పథకం కింద మహిళలకు ఏడాదికి దాదాపు రూ.11వేల కోట్లు ఖర్చుపెడుతున్నాం.

- మహిళలు మరింత స్వయం సమృద్ధి సాధించేదిశగా పాడిపరిశ్రమలో అవకాశాలను అందిపుచ్చుకునేలా వారిని ప్రొత్సహించాలి

- ఆ పరిశ్రమల్లో వారికున్న అవకాశాలను పరిశీలించి మహిళలను ముందుకు నడిపించాలన్న సీఎం.

కోవిడ్‌పై సమీక్షలో సీఎం వైయస్‌.జగన్‌ కీలక నిర్ణయాలు

- అమరావతి: కోవిడ్‌ నివారణా చర్యల్లో మరో కీలక అడుగు

- రాష్ట్ర స్థాయి కోవిడ్‌ ఆస్పత్రులు సంఖ్య 5 నుంచి 10 కి పెంపు

- వైద్యులపై పని భారం లేకుండా నాణ్యమైన సేవలకు నిర్ణయం

- జిల్లాల్లో ఉన్న 84 కోవిడ్‌ ఆస్పత్రుల్లో నాణ్యమైన సేవలపైనా ప్రత్యేక దృష్టి

- ఈ ఆస్పత్రుల్లో మౌలిక సదుపాయాల కల్పన కోసం ప్రభుత్వం రాయితీలు

- ఆయా ఆస్పత్రుల్లో ఏం చేయాలన్న దానిపై రెండు మూడు రోజుల్లో నివేదిక తయారీ

- 5 రాష్ట్ర స్థాయి కోవిడ్‌ ఆస్పత్రుల్లోనూ నాణ్యమైన సేవల కోసం సత్వర చర్యలు

- వీలైనంత త్వరగా వైద్యులు, సిబ్బంది నియామకం చేయాలని సీఎం ఆదేశం

- కోవిడ్‌ సోకిందన్న అనుమానం వస్తే ఏం చేయాలి? ఎవరిని కలవాలన్న దానిపై అవగాహనకు భారీ ప్రచారం

- కోవిడ్‌ ఎవరికైనా వస్తుంది, ఆందోళన వద్దు

- వైద్య సహాయం కోసం ప్రజలు స్వచ్ఛందంగా ముందుకు వచ్చేలా చూడాలి*

- 85 శాతం మందికి ఇళ్లల్లోనే ఉంటూ నయం అవుతోంది

*- జాగ్రత్తలు పాటిస్తూ సకాలంలో వైద్యం తీసుకోవాలి

- దీర్ఘకాలిక వ్యాధులతో బాధ పడేవాళ్లు, వయసులో పెద్ద వాళ్లు వైద్య సహాయంలో ఆలస్యం వద్దు*

మాజీ మంత్రి కొల్లు రవీంద్ర బెయిల్ పిటిషన్ వాయిదా ..

- జూలై 23 న వాయిదా వేస్తూ కృష్ణా జిల్లా ప్రధాన న్యాయమూర్తి లక్ష్మణరావు ఆదేశాలు జారీ చేశారు..

- ఈరోజు జరగవలసిన బెయిల్ పిటిషన్ వాదప్రతివాదనలు పై మొక భాస్కరరావు తరఫున వారి కుటుంబ సభ్యులు పబ్లిక్ ప్రాసిక్యూటర్ గా రామకృష్ణ వాదనకు అభ్యంతరం తెలియపరుస్తూ రాష్ట్ర ముఖ్యమంత్రికి DGP కి ఇతర అధికారులకు ఫిర్యాదు చేశారు..

- కొల్లు మంత్రిగా ఉండగా కృష్ణా జిల్లా కోర్టు పి.పి.ని నియమించారు కాబట్టి వారికి న్యాయం జరగదని పి.పిని మార్చాలని మెమో దాఖలు చేశారు...

- అయితే పబ్లిక్ ప్రాసిక్యూటర్ రామకృష్ణ కూడా ఈ కేసులో తనని తప్పించాలని కూడా మెమో దాఖలు చేశారు..

- వేరే పబ్లిక్ ప్రాసిక్యూటర్ నియమించాల్సి ఉన్నందువలన కేసును 23కి వాయిదా వేశారు..

రాష్ట్ర మంత్రి వర్గ విస్తరణ ముహూర్తం ఖరారు

అమరావతి: ఈ నెల 22 మధ్యాహ్నం 1గంట తర్వాత రాష్ట్ర మంత్రి వర్గ విస్తరణ

- ఆరోజు ప్రమాణ స్వీకారం చేయనున్న ఇద్దరు కొత్త మంత్రులు

- రాజీనామా చేసిన మంత్రుల సామాజిక వర్గానికే తిరిగి మంత్రి వర్గం లో అవకాశం ఇవ్వాలని సీఎం నిర్ణయం

- తూర్పు గోదావరి జిల్లాకు శెట్టి బలిజ సామాజిక వర్గానికి చెందిన రామచంద్రాపురం ఎమ్మెల్యే చెల్లుబోయిన వేణుగోపాల కృష్ణకు మంత్రి పదవి దక్కే అవకాశం

- శ్రీకాకుళం జిల్లాకు చెందిన మత్స్య కార కుంటుంబానికి చెందిన పలాస ఎమ్మెల్యే సీదిరి అప్పలరాజుకు మంత్రి పదవి దక్కే అవకాశం

- మంత్రి వర్గవర్గ సభ్యుల పేర్లను రేపు అధికారికంగా వెల్లడించనున్న ప్రభుత్వం

- మంత్రులు మోపిదేవి వెంకటరమణ, పిల్లి సుభాష్ చంద్రబోస్ ల స్థానంలో ఇద్దరు కొత్త మంత్రులకు అవకాశం

- మంత్రుల శాఖల్లో మార్పులు ఉండకపోవచ్చంటోన్న అధికార పార్టీ నేతలు