Blood Basic Tests: ఏడాదికి ఒకసారైనా చేయించుకోవాల్సిన 10 రక్తపరీక్షలు ఇవే

Blood Basic Tests : ఈ రోజుల్లో అనారోగ్యం ఏ రూపంలో వస్తుందో తెలియడం లేదు. కాబట్టి ప్రతి ఒక్కరూ ఆరోగ్యాన్ని కాపాడుకోవడానికి చాలా జాగ్రత్తలు తీసుకోవాలి. అలాంటి సమయంలో ఆరోగ్యవంతులతో సహా ప్రతి ఒక్కరూ క్రమం తప్పకుండా రక్తపరీక్షలు చేయించుకుంటే.. దాని వల్ల వచ్చే అనారోగ్యమేమిటో కచ్చితంగా తెలిసిపోతుంది. కానీ కొన్ని పరీక్షలపై ప్రజలకు అవగాహన లేదు. అలాంటి 10 పరీక్షల గురించి ఇప్పుడు మనం తెలుసుకుందాం.

1. సిబిసి:

పూర్తి రక్త గణన పరీక్షలో, రక్తంలోని పలు భాగాలు వివిధ స్థాయిలలో పరీక్షిస్తారు. ఇందులో ఎర్ర రక్త కణం, తెల్ల రక్త కణం, ప్లేట్‌లెట్ ఉంటాయి. ఈ పరీక్ష రక్తహీనత, ఇన్ఫెక్షన్, ఇతర సమస్యలను గుర్తించగలదు.

2. రక్తంలో చక్కెర పరీక్ష

ఈరోజుల్లో మధుమేహం సర్వసాధారణంగా మారింది. రక్తంలో చక్కెర పరీక్ష తప్పకుండా చేయించుకోవాలి. దీంతో రక్తంలో గ్లూకోజ్ ఎంత ఉందో, మధుమేహం వచ్చే అవకాశం ఉందో కూడా తెలిసిపోతుంది. దీని కోసం చేసే సాధారణ పరీక్షలు ఫాస్టింగ్ బ్లడ్ షుగర్ (FBS) HbA1c.

3. లిపిడ్ ప్రొఫైల్

లిపిడ్ ప్రొఫైల్ పరీక్ష రక్తంలో కొలెస్ట్రాల్, ట్రైగ్లిజరైడ్ స్థాయిలను వెల్లడిస్తుంది. రక్తంలో కొలెస్ట్రాల్ స్థాయి ఎక్కువగా ఉంటే, అది గుండె జబ్బుల ప్రమాదాన్ని పెంచుతుంది. ఈ పరీక్షలో కార్డియోవాస్కులర్ సమస్యలు కూడా వెల్లడవుతాయి.

4. కాలేయ పనితీరు పరీక్ష (LFT):

కాలేయ పనితీరు పరీక్ష (LFT) రక్తంలో ఎంజైమ్, ప్రోటీన్ స్థాయిలను కొలుస్తుంది. ఇది కాలేయం ఆరోగ్యం గురించి తెలుపుతుంది. కొవ్వు కాలేయం, హెపటైటిస్, ఆల్కహాల్ కాలేయాన్ని దెబ్బతీస్తాయి. రెగ్యులర్ గా హెల్త్ చెకప్ చేయించుకోవడం మంచిది.

5. కిడ్నీ ఫంక్షన్ టెస్ట్ (KFT)

దీనిని గ్లోమెరులర్ ఫిల్ట్రేషన్ రేట్ (EGFR) చెక్ అని కూడా అంటారు. ఈ పరీక్ష కెరాటిన్ , బ్లడ్ యూరియా నైట్రోజన్ స్థాయిలను కొలుస్తుంది. ఆధునిక జీవన విధానం, అధిక రక్తపోటు సమస్య వల్ల కిడ్నీ వ్యాధులు వస్తున్నాయి.

6. థైరాయిడ్ పరీక్ష

ముఖ్యంగా మహిళల్లో థైరాయిడ్ సమస్యలు సర్వసాధారణం. ఈ పరీక్షలో, రక్తంలోని థైరాయిడ్ హార్మోన్ (TSH, T3 T4) పరీక్షిస్తారు. రెగ్యులర్ పరీక్ష ద్వారా హైపోథైరాయిడిజం, హైపర్ థైరాయిడిజం గుర్తించవచ్చు.

7.విటమిన్ డి పరీక్ష

విటమిన్ డి లోపం అన్నిటికంటే సర్వసాధారణం. విటమిన్ డి పరీక్ష రక్తంలో ముఖ్యమైన విటమిన్ డి స్థాయిలను కొలుస్తుంది. ఎముకల ఆరోగ్యానికి, రోగనిరోధక వ్యవస్థకు విటమిన్ డి అవసరం. క్రమం తప్పకుండా తనిఖీ చేసుకోవడం వల్ల అనారోగ్య సమస్యలను నివారించవచ్చు.,

8. విటమిన్ B12 పరీక్ష

నరాల పనితీరు, ఎర్ర రక్త కణాల ఉత్పత్తికి విటమిన్ B12 అవసరం. శాకాహారులలో దీని లోపం ఎక్కువగా కనిపిస్తుంది. విటమిన్ B12 పరీక్ష రక్తహీనత, నరాల సమస్యలను గుర్తించగలదు.

9.హిమోగ్లోబిన్ A1c (HbA1c)

HbA1c పరీక్ష గత మూడు నెలల్లో సగటు రక్తంలో చక్కెర స్థాయిని తెలియజేస్తుంది. మధుమేహ వ్యాధిగ్రస్తులలో గ్లూకోజ్ స్థాయిలను దీర్ఘకాలికంగా నియంత్రించడంలో ఇది సహాయపడుతుంది. రెగ్యులర్ HbA1c పరీక్ష మధుమేహాన్ని సమర్థవంతంగా నియంత్రించవచ్చు.

10. హార్మోన్ అసమతుల్యత పరీక్ష

పునరుత్పత్తి ఆరోగ్యంలో ఫోలికల్-స్టిమ్యులేటింగ్ హార్మోన్లు, లూటినైజింగ్ హార్మోన్లు ముఖ్యమైన పాత్రలు పోషిస్తాయి. FSH, LH పరీక్షలు సంతానోత్పత్తి సమస్యలు, రుతుక్రమంలో లోపాలు, పాలిసిస్టిక్ ఓవరీ సిండ్రోమ్ (PCOS) వంటి సమస్యలను నిర్ధారించడంలో సహాయపడతాయి.