అమెరికాలో ఘోర అగ్నిప్రమాదం.. 19 మంది మృతి.. 60 మందికి పైగా గాయాలు

Fire Accident - America: అమెరికాలో ఘోర అగ్నిప్రమాదం సంభవించింది. న్యూయార్క్‌‌లోని ఓ అపార్ట్‌మెంట్‌లో ఒక్కసారిగా మంటలు చెలరేగాయి. ఈ ఘటనలో 19 మంది మృతి చెందారు. మరో 60 మందికి పైగా గాయపడినట్లు తెలుస్తోంది. క్షతగాత్రులను స్థానిక ఆస్పత్రికి తరలించి చికిత్స అందిస్తున్నారు. మృతుల్లో 9 మంది పిల్లలు కూడా ఉన్నారు.

19 అంతస్తులున్న అపార్ట్‌మెంట్‌లో రెండు, మూడు ఫ్లోర్లలో మంటలు చెలరేగాయి. అపార్ట్‌మెంట్‌ మొత్తం దట్టమైన పొగ కమ్మేయడంతో చాలా మంది అస్వస్థతకు గురయ్యారు. స్థానికుల సమాచారంతో ఘటనాస్థలానికి చేరుకున్న ఫైర్‌ సిబ్బంది మంటలను అదుపుచేస్తున్నారు.