క్రిస్మ‌స్‌కి 'వేలైకార‌న్'

'త‌ని ఒరువ‌న్' వంటి సంచ‌ల‌న విజ‌యం త‌రువాత మోహ‌న్ రాజా ద‌ర్శ‌క‌త్వంలో రూపొందుతున్నత‌మిళ‌ చిత్రం 'వేలైకార‌న్‌'. త‌క్కువ కాలంలోనే క్రేజీ హీరోగా పేరు తెచ్చుకున్న శివ‌కార్తీకేయ‌న్ క‌థానాయ‌కుడిగా న‌టిస్తున్న ఈ చిత్రంలో లేడీ సూప‌ర్ స్టార్ న‌య‌న‌తార హీరోయిన్‌గా న‌టిస్తోంది. ఈ చిత్రాన్ని తొలుత సెప్టెంబ‌ర్ 29న విడుద‌ల చేయాల‌నుకున్నారు. అయితే కొన్ని కార‌ణాల వ‌ల్ల ఈ సినిమాని క్రిస్మ‌స్ కానుక‌గా రిలీజ్ చేయనున్నామ‌ని చిత్ర బృందం అధికారికంగా పేర్కొంది. 'త‌ని ఒరువ‌న్' చిత్రం తెలుగులో 'ధృవ‌'గా రూపొంది విజ‌యం సాధించిన సంగ‌తి తెలిసిందే.