logo
ఆంధ్రప్రదేశ్

AV Subba Reddy Meets SP Anburajan : అఖిల ప్రియను ఇప్పటివరకు ఎందుకు అరెస్టు చేయలేదు : ఏవీ సుబ్బారెడ్

AV Subba Reddy Meets SP Anburajan : అఖిల ప్రియను ఇప్పటివరకు ఎందుకు అరెస్టు చేయలేదు : ఏవీ సుబ్బారెడ్
X
Highlights

AV Subba Reddy Meets SP Anburajan : ఆళ్లగడ్డ టీడీపీ నేత ఏవీ సుబ్బారెడ్డి, అతని కుమార్తె జస్వంతి కడప జిల్లా...

AV Subba Reddy Meets SP Anburajan : ఆళ్లగడ్డ టీడీపీ నేత ఏవీ సుబ్బారెడ్డి, అతని కుమార్తె జస్వంతి కడప జిల్లా ఎస్పీని ఈ రోజు కలిసారు. తనపై హత్యా యత్నం జరిగిన కేసు విషయమై ఎస్పీ అన్బు రాజన్ ను కలిసారు. అనంతరం ఏవీ సుబ్బారెడ్డి మీడియాతో మాట్లాడుతూ.. భూమా అఖిల ప్రియను వెంటనే అరెస్ట్ చేయాలని కడపజిల్లా ఎస్పీని కోరామని తెలిపారు. భూమా అఖిలప్రియను అరెస్టు చేయకపోవడం వెనుక ఏదైనా మతలబు జరుగుతోందా అని ప్రశ్నించారు. ఈ విషయంపై స్పందించిన ఎస్పీ అన్బు రాజన్. ప్రొసీజర్ ప్రకారమే కేసు ముందుకు నడుస్తోందనీ తెలిపారు. ఏ4 అయిన భూమా అఖిల ప్రియను ఇప్పటివరకు ఎందుకు అరెస్టు చేయలేదని పోలీసులను ప్రశ్నిస్తున్నా..? అని ఏవీ సుబ్బారెడ్డి అన్నారు.

ఏ1 నుండి ఏ6 వరకు అందరినీ అరెస్టు చేసిన పోలీసులు ఏ4ను ఎందుకు వదిలేశారన్నారు. నన్ను హత్య చేసేందుకు భూమా కుటుంబం సఫారీ ఇచ్చిన మాట వాస్తవం కాదా అని నొక్కి వక్కాణించారు. ఇప్పటికే మూడు నోటీసులు ఇచ్చినా అఖిల ప్రియ, ఆమె భర్త నుండి ఎలాంటి స్పందన లేదన్నారు. ముందస్తు బెయిల్ వస్తే వాళ్ళు పోలీసులకు పలికే పరిస్థితి లేదనీ తెలిపారు. ఇది ఇలాగే కొనసాగితే నాపై మళ్లీ దాడిచేసి అవకాశాలున్నాయన్నారు. నోటీసులకు స్పందించని అఖిలప్రియ, ఆమె భర్త నిర్భయంగా బయట తిరుగుతున్నారనీ అన్నారు.

అనంతరం జస్వంతి మాట్లాడుతూ.. భూమా అఖిలప్రియ మహిళ ముసుగులో హత్యా రాజకీయాలు చేస్తోందన్నారు. ప్రభుత్వం వెంటనే దీనిపై చర్యలు తీసుకొని అఖిలప్రియ, ఆమె భర్త భార్గవ రాంను వెంటనే అరెస్టు చేయాలనీ డిమాండ్ చేశారు. ఆళ్లగడ్డలో రాజకీయంగా ఎదుర్కోలేమనే మమ్మల్ని అడ్డు తొలగించుకోవాలని చూస్తున్నారనీ స్పష్టం చేశారు.

Web TitleTDP Leader AV Subba Reddy Meets kadapa district SP Anburajan
Next Story