iQOO 15T : 8000mAh బ్యాటరీ, 200MP కెమెరా.. iQOO నుంచి మాస్టర్ ఫోన్.!

iQOO 15T : స్మార్ట్‌ఫోన్ రంగంలో తనదైన ముద్ర వేస్తున్న వీవో సబ్ బ్రాండ్ iQOO, త్వరలో మార్కెట్లోకి మరో శక్తివంతమైన ఫోన్‌ను విడుదల చేసేందుకు సిద్ధమవుతోంది. గత ఏడాది స్నాప్‌డ్రాగన్ 8 ఎలైట్ జెన్ 5 చిప్‌సెట్ , 7,000mAh బ్యాటరీతో లాంచ్ అయిన 'iQOO 15' ఫ్లాగ్‌షిప్ సిరీస్‌లో ఇప్పుడు కొత్తగా iQOO 15T మోడల్‌ను తీసుకువస్తోంది. ఇప్పటికే ఈ సిరీస్‌లో iQOO 15, iQOO 15 ఉల్ట్రా , iQOO 15R మోడల్స్ ఉండగా, తాజాగా లీక్ అయిన సమాచారం ప్రకారం iQOO 15T మరిన్ని అడ్వాన్స్‌డ్ ఫీచర్లతో రానుంది.

అద్భుతమైన 2K డిస్‌ప్లే , డిజైన్

ప్రముఖ చైనీస్ టిప్‌స్టర్ 'ఎక్స్‌పీరియన్స్ మోర్' వెల్లడించిన వివరాల ప్రకారం, iQOO 15T స్మార్ట్‌ఫోన్ 6.82-అంగుళాల భారీ డిస్‌ప్లేను కలిగి ఉంటుంది. ఇది 2K రిజల్యూషన్‌తో పాటు 144Hz రిఫ్రెష్ రేట్‌ను సపోర్ట్ చేస్తుంది, దీనివల్ల వినియోగదారులకు అత్యుత్తమ విజువల్ ఎక్స్‌పీరియన్స్ లభిస్తుంది. అంతేకాకుండా, ఈ ఫోన్ ప్రీమియం లుక్ కోసం మెటల్ ఫ్రేమ్‌తో రానున్నట్లు సమాచారం.

200 మెగాపిక్సెల్ మోన్‌స్టర్ కెమెరా

కెమెరా విభాగంలో ఈ ఫోన్ సరికొత్త సంచలనం సృష్టించబోతోంది. iQOO 15Tలో 200-మెగాపిక్సెల్ శామ్‌సంగ్ HP5 మెయిన్ రియర్ కెమెరా సెన్సార్‌ను అమర్చనున్నట్లు లీకులు చెబుతున్నాయి. గతంలో వచ్చిన iQOO 15 మోడల్‌లో 50-మెగాపిక్సెల్ సెన్సార్ ఉండగా, ఇప్పుడు నేరుగా 200-మెగాపిక్సెల్‌కు అప్‌గ్రేడ్ చేయడం విశేషం. ఫోటోగ్రఫీ ప్రియులకు ఇది ఒక గొప్ప శుభవార్త అని చెప్పవచ్చు.

8,000mAh భారీ బ్యాటరీ , పవర్ ఫుల్ చిప్‌సెట్

ఈ ఫోన్ ప్రధాన హైలైట్ దాని బ్యాటరీ సామర్థ్యం. iQOO 15T లో 8,000mAh కంటే ఎక్కువ సామర్థ్యం గల బ్యాటరీని అందించనున్నట్లు సమాచారం. ఇంత భారీ బ్యాటరీ ఉన్నప్పటికీ, ఇది 100W వైర్డ్ ఫాస్ట్ ఛార్జింగ్‌ను సపోర్ట్ చేస్తుంది. పనితీరు విషయానికి వస్తే, ఇందులో మీడియాటెక్ డైమెన్సిటీ 9500 (MediaTek Dimensity 9500) చిప్‌సెట్‌ను వాడనున్నట్లు తెలుస్తోంది.

ఎప్పుడు లాంచ్ అవ్వచ్చు.?

ఒకవేళ ఈ లీక్ అయిన వివరాలు నిజమైతే, బ్యాటరీ , కెమెరా పరంగా iQOO 15T తన మునుపటి మోడల్స్ కంటే భారీ అప్‌గ్రేడ్‌లను కలిగి ఉంటుంది. ఈ స్మార్ట్‌ఫోన్ ఈ నెల చివరలో చైనాలో అధికారికంగా లాంచ్ అయ్యే అవకాశం ఉంది. అయితే, కంపెనీ ఇప్పటివరకు ఈ ఫోన్ గురించి ఎటువంటి అధికారిక ప్రకటన చేయలేదు. వినూత్నమైన ఫీచర్లు , అద్భుతమైన పవర్‌తో రాబోతున్న ఈ ఫోన్ కోసం టెక్ ప్రియులు ఆసక్తిగా ఎదురుచూస్తున్నారు.