LSG vs RR: రవీంద్ర జడేజా సెలబ్రేషన్ స్టైల్‌ వెనుక కథ ఇదా..! అస‌లు కార‌ణం ఏంటంటే.?

LSG vs RR: ఐపీఎల్ 2026లో లక్నో సూపర్ జెయింట్స్, రాజస్థాన్ రాయల్స్ మధ్య జరిగిన మ్యాచ్ ఆసక్తికరంగా సాగింది. ఈ మ్యాచ్‌లో రవీంద్ర జడేజా చేసిన ఓ ప్రత్యేక సెలబ్రేషన్ అందరి దృష్టిని ఆకర్షించింది. మ్యాచ్ తర్వాత ఆ సెలబ్రేషన్ వెనుక అసలు కారణం ఏమిటో ఆయన స్వయంగా వెల్లడించారు.

జడేజా అద్భుత ప్రదర్శన

ఈ మ్యాచ్‌లో జడేజా ఆల్‌రౌండ్ ప్రదర్శనతో మెప్పించాడు. 29 బంతుల్లో 43 పరుగులు చేసి జట్టును గౌరవప్రదమైన స్కోర్‌కి చేర్చాడు. అలాగే కీలక సమయంలో ఒక వికెట్ కూడా తీశాడు. ఆయన ప్రదర్శనతోనే జట్టు 150 పరుగుల మార్క్ దాటింది. దీంతో జడేజాకు ప్లేయర్ ఆఫ్ ది మ్యాచ్ అవార్డు దక్కింది.

పూరన్ ఔట్.. వైరల్ అయిన సెలబ్రేషన్

నికోలస్ పూరన్ పెద్ద షాట్ కొట్టే ప్రయత్నంలో ఔట్ అయ్యాడు. ఈ సమయంలో జడేజా చేసిన సెలబ్రేషన్ ప్రత్యేకంగా నిలిచింది. ముందుగా పూరన్ వైపు వేలితో చూపించి, తర్వాత తన జేబు వైపు చూపించాడు.

ఈ స్టైల్ సోషల్ మీడియాలో వైరల్ అయింది. అభిమానులు దీనిపై విస్తృతంగా చర్చించారు.

“పూరన్ నా జేబులో ఉన్నాడు” – జడేజా

మ్యాచ్ తర్వాత ఈ సెలబ్రేషన్ గురించి జడేజాను అడగగా ఆసక్తికర సమాధానం ఇచ్చారు. “అవును… పూరన్ నా జేబులో ఉన్నాడు. ఆ ఆలోచన ఒక్కసారిగా వచ్చింది. వెంటనే అలాగే సెలబ్రేట్ చేశాను” అని చెప్పారు.

ఈ వ్యాఖ్య‌లు న‌వ్వులు పూయించాయి.

కఠినమైన పిచ్‌పై బ్యాటింగ్ సవాలు

జడేజా మాట్లాడుతూ, పిచ్ పరిస్థితులు కఠినంగా ఉన్నాయని చెప్పారు. బంతి సీమ్, స్వింగ్ రెండూ అవుతున్నాయని, బ్యాటింగ్ చేయడం అంత ఈజీ కాదని వివరించారు. స్లో బాల్స్ వేయడం వల్ల మంచి ఫలితం వచ్చిందని, బంతిపై కంట్రోల్ పెరిగిందని తెలిపారు.

పాయింట్ల పట్టికలో ఎగబాకిన రాజస్థాన్

ఈ మ్యాచ్‌లో రాజస్థాన్ రాయల్స్ బౌలర్లు అద్భుతంగా రాణించారు. 160 పరుగుల లక్ష్యాన్ని లక్నో సూపర్ జెయింట్స్ చేధించలేకపోయింది. ఈ విజయం ద్వారా రాజస్థాన్ వరుస పరాజయాల నుంచి బయటపడింది. ఐదో విజయాన్ని నమోదు చేసి పాయింట్ల పట్టికలో నాలుగో స్థానంనుంచి రెండో స్థానానికి ఎగబాకింది. ప్రస్తుతం జట్టుకు 10 పాయింట్లు ఉన్నాయి.