Pedda Dornala: పెద్ద దోర్నాలలో ఘనంగా గురు పౌర్ణమి వేడుకలు!

Pedda Dornala: పెద్ద దోర్నాల నుంచి శ్రీశైలం వెళ్లే రహదారిపై ఉన్న శ్రీ శిరిడి సాయిబాబా ఆలయంలో గురు పౌర్ణమి వేడుకలను గురువారం ఘనంగా నిర్వహించారు. ఈ సందర్భంగా ఆలయాన్ని ప్రత్యేకంగా అలంకరించగా, పెద్ద సంఖ్యలో భక్తులు తరలివచ్చి శ్రీ శిరిడి సాయిబాబాను దర్శించుకుని ప్రత్యేక పూజలు, అర్చనలు నిర్వహించారు. అనంతరం సాయిబాబా ఆశీస్సులు పొందుతూ భక్తులు భక్తిశ్రద్ధలతో ప్రార్థనలు చేశారు. ఆలయ ప్రాంగణం ఆధ్యాత్మిక వాతావరణంతో కళకళలాడింది.