Sonia Gandhi: సోనియా గాంధీ ఆత్మకథ 'బిల్లాంగింగ్: ఏ జర్నీ ఆఫ్ లవ్'.. విశేషాలు ఇవిగో.!

Sonia Gandhi: కాంగ్రెస్ పార్టీ అగ్రనేత సోనియా గాంధీ తన జీవిత విశేషాలతో కూడిన ఆత్మకథను పాఠకుల ముందుకు తీసుకురావడానికి సిద్ధమయ్యారు. ఆమె రాసిన ప్రతిష్టాత్మక ఆత్మకథ పుస్తకం 'బిల్లాంగింగ్: ఎ జర్నీ ఆఫ్ లవ్' పేరుతో త్వరలోనే విడుదల కానుంది.

ఈ పుస్తకం వచ్చే నవంబర్ 10వ తేదీన అధికారంగా విడుదల కానున్నట్లు ప్రకటించారు. ఇటలీ దేశంలో జన్మించి అక్కడే పెరిగిన ఆమె, కేంబ్రిడ్జ్ విశ్వవిద్యాలయ రోజుల్లో రాజీవ్ గాంధీని కలవడం నుంచి మొదలై భారత రాజకీయ రంగ ప్రవేశం వరకు సాగిన తన జీవిత ప్రయాణాన్ని ఈ పుస్తకంలో వివరించారు.

తన కుటుంబం గురించి ఇప్పటివరకు చాలా మంది ఎన్నో విషయాలు రాశారని, కానీ వారి నిజమైన ఆలోచనలు, మానవీయ కోణాలను ఈ పుస్తకం ద్వారా మాత్రమే సరిగ్గా ఆవిష్కరించే ప్రయత్నం చేశానని సోనియా గాంధీ తెలిపారు.

ఈ ఆత్మకథ ద్వారా తన వ్యక్తిగత జీవితంలోని అరుదైన క్షణాలు, రాజకీయ ఒడిదుడుకులు, దేశ నాయకురాలిగా ఎదుర్కొన్న సవాళ్లను పాఠకులతో పంచుకోనున్నారు. ఈ పుస్తకం విడుదల తేదీ దగ్గర పడుతుండటంతో కాంగ్రెస్ శ్రేణులలో అలాగే రాజకీయ వర్గాలలో తీవ్రమైన ఆసక్తి నెలకొంది.

దేశ రాజకీయ చరిత్రలో ఒక విదేశీ మహిళగా అడుగుపెట్టి, అత్యున్నత నాయకత్వ స్థానానికి ఎదిగిన ఆమె ప్రయాణం ఎంతో స్ఫూర్తిదాయకమైనది. ఇందిరా గాంధీ అకాల మరణం, రాజీవ్ గాంధీ హత్య వంటి తీవ్రమైన విషాదాలను ఎదుర్కొంటూ పార్టీని నడిపించిన తీరును ఈ పుస్తకంలో ప్రస్తావించి ఉంటారని భావిస్తున్నారు.

నవంబర్ 10న జరగనున్న ఈ పుస్తకావిష్కరణ వేడుకకు రాజకీయ ప్రముఖులు భారీ సంఖ్యలో హాజరుకానున్నట్లు సమాచారం అందుతోంది. ఈ ఆత్మకథ ప్రచురణ ద్వారా సోనియా గాంధీ తన జీవితంలోని అనేక రహస్యాలను, తెలియని కోణాలను ప్రపంచానికి వెల్లడించనున్నారు.

సాధారణ గృహిణి స్థాయి నుంచి భారత రాజకీయాలను శాసించే స్థాయికి ఎదిగిన తీరు ఈ పుస్తకంలో ప్రధాన ఆకర్షణగా నిలవనుంది.