Nalgonda: నేపాల్ జలప్రళయంలో నల్లగొండ మహిళ గల్లంతు!

Nalgonda: నేపాల్‌లో సంభవించిన భారీ వరదల్లో నల్లగొండ జిల్లాకు చెందిన మహిళ ఒకరు గల్లంతయ్యారు. చిట్యాల మండలం పెద్దకాపర్తికి చెందిన కందిమల్ల సుహాసిని రెడ్డి (42) కుటుంబంతో కలిసి ఆస్ట్రేలియాలో స్థిరపడ్డారు. ఇటీవల హైదరాబాద్‌లో నిర్మించిన నూతన గృహప్రవేశం కోసం ఈ నెల 19న ఆమె భారత్‌కు వచ్చారు. అనంతరం 23న విహారయాత్ర నిమిత్తం నేపాల్‌కు వెళ్లారు.

​నేపాల్‌లో ఒక్కసారిగా విరుచుకుపడిన భారీ వరదల వల్ల సుహాసిని రెడ్డి ఆచూకీ లభించకపోవడంతో కుటుంబ సభ్యులు తీవ్ర ఆందోళన చెందుతున్నారు. బాధితురాలికి భర్త సంజీవరెడ్డి, ఇద్దరు కుమారులు ఉన్నారు. ఆమె క్షేమంగా తిరిగిరావాలని స్వగ్రామంలో బంధువులు, గ్రామస్థులు దేవుడిని ప్రార్థిస్తున్నారు.