Proddatur: జాతీయ నృత్య పోటీల్లో ప్రొద్దుటూరు బాలిక సత్తా.. 3వ స్థానం!
Proddatur: హైదరాబాద్ భారతీయ విద్యాభవన్లో జరిగిన 25వ అఖిల భారత సాంస్కృతిక నృత్య పోటీల్లో ప్రొద్దుటూరు బాలిక కె. శ్రియ రెడ్డి కూచిపూడిలో మూడో స్థానం సాధించింది.
Proddatur: జాతీయ నృత్య పోటీల్లో ప్రొద్దుటూరు బాలిక సత్తా.. 3వ స్థానం!
కడప జిల్లా: ప్రొద్దుటూరు పట్టణం వై.ఎం.ఆర్ కాలనీకి చెందిన కె. శ్రియ రెడ్డి నృత్య జాతీయ స్థాయిలో మెరిసింది. హైదరాబాద్ బషీర్బాగ్లోని భారతీయ విద్యాభవన్ ఆడిటోరియంలో జరిగిన 25వ అఖిల భారత సాంస్కృతిక నృత్య పోటీలలో శ్రియ రెడ్డి పాల్గొంది. కూచిపూడి సోలో సీనియర్ విభాగంలో తన అద్భుతమైన నాట్య ప్రదర్శనతో న్యాయనిర్ణేతలను ఆకట్టుకుని మూడో స్థానాన్ని కైవసం చేసుకుంది.
గండ్లూరు వీర ప్రతాప్ రెడ్డి మనవరాలైన, కె. రామాంజనేయులు రెడ్డి - హరితారెడ్డి దంపతుల కుమార్తె. జాతీయ వేదికపై తమ కుమార్తె కె. శ్రీయ రెడ్డి సాధించిన ఈ ఘనత పట్ల తల్లిదండ్రులు హర్షం వ్యక్తం చేస్తున్నారు. శ్రియ రెడ్డి మరిన్ని విజయాలు సాధించాలని స్థానిక కళాభిమానులు అభినందనలు తెలిపారు.