Hyderabad: ద్విచక్ర వాహనాల దొంగల ముఠా అరెస్ట్ - 14 బైకులు స్వాధీనం
Hyderabad: బేగంపేట్ పోలీసులు ద్విచక్ర వాహనాల దొంగల ముఠాను అరెస్ట్ చేశారు. పెద్దపల్లి జిల్లాలో సోదాలు నిర్వహించి రూ.10 లక్షల విలువైన 14 బైకులను స్వాధీనం చేసుకున్నారు.
Hyderabad: ద్విచక్ర వాహనాల దొంగల ముఠా అరెస్ట్ - 14 బైకులు స్వాధీనం
హైదరాబాద్: బేగంపేట్ పోలీసులు ద్విచక్ర వాహనాల దొంగతనం కేసుల్లో కీలక పురోగతి సాధించారు. ఈ కేసులో నిందితుడు రాజే కుమార్ ను అరెస్ట్ చేశారు. నిందితుడి వయస్సు యాభై ఏళ్లు, స్వస్థలం పెద్దపల్లి జిల్లా ధర్మారం. నిందితుడి ఇచ్చిన సమాచారంతో పెద్దపల్లి జిల్లాలో సోదాలు నిర్వహించి, పద్నాలుగు దొంగిలించబడిన బైకులను స్వాధీనం చేసుకున్నారు. వీటి విలువ సుమారు పది లక్షల రూపాయలు.
స్వాధీనం చేసుకున్న వాహనాల్లో బేగంపేట్ పీఎస్ పరిధిలో ఐదు, వరంగల్ కమిషనరేట్ పరిధిలో నాలుగు, మియాపూర్ లో మూడు, మంచిర్యాల, ములుగు పరిధిలో రెండు వాహనాలు ఉన్నాయి. ఈ ముఠాలో మరో ఇద్దరు నిందితులు సాంగూరం రమేష్, సాంగేగం మల్లేష్ ప్రస్తుతం పరారీలో ఉన్నారు.
నిందితులు పార్కింగ్ లో ఉన్న బైకులను నకిలీ తాళాలతో దొంగిలించి, తమ స్వగ్రామాలకు తీసుకెళ్లి తాకట్టు పెట్టి అమ్మేవారని పోలీసులు తెలిపారు. ఈ ఆపరేషన్ మల్కాజిగిరి డీసీపీ సీహెచ్ శ్రీధర్ పర్యవేక్షణలో, బేగంపేట్ ఏసీపీ గోపాలకృష్ణ మూర్తి, ఎస్హెచ్ఓ సైదులు, డీఐ శ్రీనివాస్ మరియు క్రైమ్ టీం నిర్వహించింది.