Punganur: బోయకొండ గంగమ్మ ఆలయ గోశాలకు రూ. 50 వేల విరాళం!

Punganur: ప్రముఖ శక్తి క్షేత్రం, కోరిన కోర్కెలు తీర్చే కల్పవల్లి శ్రీ బోయకొండ గంగమ్మ దేవస్థానం నిర్వహిస్తున్న గోశాలకు రూ. 50వేల విరాళం అందింది.

​చౌడేపల్లికి చెందిన మలేషియా ఏపీ ఎన్నార్టీ ఆంధ్రప్రదేశ్ ప్రభుత్వ కోఆర్డినేటర్ శ్రీరామ జగదీష్ రాయల్ హిమబిందు దంపతులు ఈ విరాళాన్ని అందజేశారు. ఈ మేరకు విరాళం మొత్తాన్ని ఆలయ కార్యనిర్వహణాధికారి, డిప్యూటీ కమిషనర్ ఏకాంబరంకు దంపతులు అందజేశారు. ​

గోశాల నిర్వహణ గోసేవ కోసం ఎన్నారై దంపతులు ముందుకు రావడం పట్ల ఆలయ యంత్రాంగం హర్షం వ్యక్తం చేసింది. ఈ సందర్భంగా ఆలయ అధికారులు దంపతులకు ఆలయ మర్యాదలతో స్వాగతం పలికి, శ్రీ బోయకొండ గంగమ్మ అమ్మవారి ప్రత్యేక దర్శన ఏర్పాట్లు చేశారు.

​దర్శనానంతరం ఆలయ మండపంలో శ్రీరామ జగదీష్ రాయల్, హిమబిందు దంపతులను ఆలయ అధికారులు శేష వస్త్రాలతో ఘనంగా సత్కరించి, అమ్మవారి తీర్థ ప్రసాదాలను అందజేశారు.