Petrol Price : భగ్గుమంటున్న ముడి చమురు.. నేటి పెట్రోల్, డీజిల్ రేట్లు ఇవే.. హైదరాబాద్‌లో ఎంతంటే?

Petrol Price : అంతర్జాతీయ మార్కెట్లో మళ్లీ ముడిచమురు ధరలు పెరగడం ఆందోళన కలిగిస్తోంది. ముఖ్యంగా అమెరికా, ఇరాన్ దేశాల మధ్య మిలిటరీ పరమైన ఉద్రిక్తతలు మళ్లీ ఎక్కువ కావడం, ఇజ్రాయెల్ - లెబనాన్ సరిహద్దుల్లో దాడుల వల్ల శాంతి చర్చలకు బ్రేక్ పడటంతో మార్కెట్లో అనిశ్చితి నెలకొంది. బ్లూమ్‌బర్గ్ తాజా నివేదిక ప్రకారం బ్రెంట్ క్రూడ్ ధర ఏకంగా 97 డాలర్లకు చేరువ కాగా, వెస్ట్ టెక్సాస్ ఇంటర్మీడియట్ క్రూడ్ ధర కూడా 95 డాలర్ల మార్కును తాకింది. ఈ గ్లోబల్ పరిణామాలు ఆసియా షేర్ మార్కెట్లతో పాటు భారత ఇంధన మార్కెట్‌పై కూడా ఒత్తిడిని పెంచుతున్నాయి.

భారీ నష్టాల్లో ప్రభుత్వ చమురు సంస్థలు

విదేశాల నుంచి ముడి చమురును రికార్డు స్థాయి ధరలకు కొనుగోలు చేస్తున్న దేశీయ ప్రభుత్వ రంగ చమురు సంస్థలైన ఇండియన్ ఆయిల్, భారత్ పెట్రోలియం, హిందుస్తాన్ పెట్రోలియం ప్రస్తుతం తీవ్ర నష్టాలను చవిచూస్తున్నాయి. గత నెలలో వరుసగా నాలుగు సార్లు ఇంధన ధరలను పెంచినప్పటికీ, ప్రస్తుతం కంపెనీలకు లీటర్ పెట్రోల్‌పై దాదాపు రూ.5.50 పైసలు, అలాగే డీజిల్‌పై రూ.4.50 పైసల మేర మార్కెటింగ్ నష్టం వస్తోంది. మూడు కంపెనీలు కలిపి ప్రతిరోజూ సుమారు రూ.550 కోట్ల నష్టాన్ని భరిస్తున్నట్లు మనీకంట్రోల్ నివేదిక పేర్కొంది. ఈ నష్టాల నుంచి గట్టెక్కాలంటే రానున్న రోజుల్లో ఇంధన ధరలను మరో రూ.12 వరకు పెంచాల్సి ఉంటుందని ఆర్థిక విశ్లేషకులు అంచనా వేస్తున్నారు.

జూన్ 4న స్థిరంగా ఉన్న ఇంధన ధరలు

అంతర్జాతీయంగా ముడిచమురు రేట్లు ఎగబాకుతున్నప్పటికీ, జూన్ 4 (గురువారం) ఉదయం భారత చమురు కంపెనీలు విడుదల చేసిన ధరల ప్రకారం దేశంలో పెట్రోల్, డీజిల్ రేట్లలో ఎలాంటి మార్పు లేదు. ప్రస్తుతం మార్కెట్ రేట్లు పూర్తిగా స్థిరంగా కొనసాగుతున్నాయి. అయితే అంతర్జాతీయ మార్కెట్ హెచ్చుతగ్గుల ఆధారంగా ప్రతిరోజూ ఉదయం 6 గంటలకే ఇంధన ధరలను సవరిస్తారు కాబట్టి, రాబోయే రోజుల్లో వాహనదారులపై ధరల భారం పడే అవకాశాలు స్పష్టంగా కనిపిస్తున్నాయి.

నగరాల వారీగా పెట్రోల్, డీజిల్ తాజా ధరల లిస్ట్ (లీటరుకు):

* హైదరాబాద్

పెట్రోల్: రూ. 115.69

డీజిల్: రూ. 103.82

* ఢిల్లీ

పెట్రోల్: రూ. 102.12

డీజిల్: రూ. 95.20

* ముంబై

పెట్రోల్: రూ. 111.18

డీజిల్: రూ. 97.83

* కోల్‌కతా

పెట్రోల్: రూ. 113.47

డీజిల్: రూ. 99.82

* చెన్నై

పెట్రోల్: రూ. 107.77

డీజిల్: రూ. 99.55

* బెంగళూరు

పెట్రోల్: రూ. 110.93

డీజిల్: రూ. 98.80

* భోపాల్

పెట్రోల్: రూ. 114.54

డీజిల్: రూ. 99.64

* భువనేశ్వర్

పెట్రోల్: రూ. 108.98

డీజిల్: రూ. 100.71

* చండీగఢ్

పెట్రోల్: రూ. 101.51

డీజిల్: రూ. 89.47

* డెహ్రాడూన్

పెట్రోల్: రూ. 100.54

డీజిల్: రూ. 96.00