కొత్త కారు కొనేవారికి పండగలాంటి న్యూస్.. ఆ మోడళ్లపై ఏకంగా లక్ష వరకు డిస్కౌంట్!

Hyundai May 2026 Discount: వేసవి కాలంలో కొత్త కారుతో ప్రయాణించాలనుకునే వారి కోసం హ్యుందాయ్ ఇండియా అద్భుతమైన ఆఫర్లను ప్రవేశపెట్టింది. మే 2026లో హ్యుందాయ్ కార్ల కొనుగోలుపై కస్టమర్లు రూ. 1 లక్ష వరకు ఆదా చేసుకోవచ్చు. ఇందులో నగదు తగ్గింపు (Cash Discount), ఎక్స్ఛేంజ్ బోనస్, స్క్రాపేజ్ ఇన్సెంటివ్, కార్పొరేట్ డిస్కౌంట్లు కలగలిపి ఉన్నాయి. కారు మోడల్‌ను బట్టి ఈ ఆఫర్లలో మార్పులు ఉంటాయి.

హ్యుందాయ్ క్రెటాపై అత్యధిక లాభం..

భారతీయ మార్కెట్లో హ్యుందాయ్ క్రెటాకు ఉన్న క్రేజ్ గురించి ప్రత్యేకంగా చెప్పక్కర్లేదు. మే నెలలో అత్యధికంగా రూ. 1,00,000 వరకు డిస్కౌంట్ ఈ మోడల్‌పైనే లభిస్తోంది.

నగదు తగ్గింపు: రూ. 20,000

స్క్రాపేజ్ బోనస్: రూ. 50,000

ఎక్స్ఛేంజ్ బోనస్: రూ. 30,000

మీరు పాత i10, స్విఫ్ట్ లేదా బలెనో వంటి కార్లను ఎక్స్ఛేంజ్ చేసి అప్‌గ్రేడ్ అవ్వాలనుకుంటే ఈ ఆఫర్ ఒక గొప్ప అవకాశం.

అల్కాజార్, క్రెటా ఎలక్ట్రిక్‌పై ఆఫర్లు..

హ్యుందాయ్ అల్కాజార్ పెట్రోల్ మోడల్‌పై రూ. 85,000 వరకు ప్రయోజనాలు లభిస్తున్నాయి. ఇందులో రూ. 40,000 వరకు నగదు తగ్గింపు ఉండటం విశేషం. మరోవైపు, పర్యావరణ హితమైన ప్రయాణాన్ని కోరుకునే వారి కోసం క్రెటా ఎలక్ట్రిక్ (Creta EV)పై కూడా రూ. 85,000 వరకు ఆదా చేసుకునే వెసులుబాటును కంపెనీ కల్పించింది.

హ్యాచ్‌బ్యాక్, సెడాన్ మోడళ్లపై ఆఫర్ల సందడి..

చిన్న కార్లు, సెడాన్ కార్లపై కూడా హ్యుందాయ్ ఆకర్షణీయమైన తగ్గింపులను ఇస్తోంది:

గ్రాండ్ i10 నియోస్: ఈ కారుపై మొత్తం రూ. 68,000 వరకు లాభం ఉంది. పాత ఆల్టో లేదా వేగన్-ఆర్ నుంచి మారే వారికి అదనంగా రూ. 15,000 బోనస్ లభిస్తుంది.

హ్యుందాయ్ i20: ప్రీమియం హ్యాచ్‌బ్యాక్ సెగ్మెంట్లో ఉన్న ఈ కారుపై రూ. 65,000 వరకు డిస్కౌంట్ పొందవచ్చు.

వెర్నా, ఎక్స్టర్: ఈ రెండు మోడళ్లపై గరిష్టంగా రూ. 55,000 వరకు బెనిఫిట్స్ ఉన్నాయి.

హ్యుందాయ్ ఆరా: సెడాన్ ప్రియుల కోసం ఈ కారుపై రూ. 15,000 వరకు నామమాత్రపు తగ్గింపు అందుబాటులో ఉంది.

వెన్యూ, వెన్యూ N-లైన్: ఈ మోడళ్లపై కేవలం రూ. 5,000 స్క్రాపేజ్ బోనస్ మాత్రమే లభిస్తోంది.

త్వరపడండి..!

హ్యుందాయ్ ప్రకటించిన ఈ భారీ ఆఫర్లు కేవలం మే 31, 2026 వరకు మాత్రమే అందుబాటులో ఉంటాయి. అంతేకాకుండా, ఈ డిస్కౌంట్లు మీరు నివసించే నగరం, డీలర్షిప్, కారు స్టాక్ లభ్యతను బట్టి మారే అవకాశం ఉంది. ఖచ్చితమైన సమాచారం కోసం మీ సమీపంలోని హ్యుందాయ్ షోరూమ్‌ను సందర్శించి మరిన్ని వివరాలు తెలుసుకోవడం ఉత్తమం.